________________
Shri Mahavir Jain Aradhana Kendra
www.kobatirth.org
अहंमि ॥४७० ॥ सुसंभिया कामगुणा इमे ते, संपिंडिया अग्गरसा पभूया । भुंजासु ता कामगुणे पगामं, पच्छा गमिस्सामु पहाणमग्गं ॥१ भुत्ता रसा भोड़ ! जहाइ णे वओ, न जीवियट्ठा पजहामि भोए। लाभं अलाभं च सुहं च दुक्खं, संचिक्खमाणो चरिसामि मोणं ॥ २ ॥ मा हू तुमं सोदरियाण संभरे, जुन्नो व हंसो पडिसोयगामी । भुंजाहि भोगाई भए समाणं, दुक्खं खु भिक्खायरिया विहारो ॥३॥ जहा य भोई ( भोगा )! तणुयं भुयंगे, निम्मोअणि हिच्च पलाइ भुत्तो। एमेए जाया पजर्हति भोए, तेऽहं कहं नाणुगमिस्समिक्को ? ॥४॥ छिंदित्तु जालं अबलं व रोहिया, मच्छा जहा कामगुणे पहाये । धोरेयसीला तवसा उदारा, धीरा हु भिक्खायरियं चरंति ॥५ ॥ नहेव कुंचा समइक्कमंता, तयाणि जालाणि दलित्तु हंसा। पलिंति पुत्ता य पई य मज्झं, तेऽहं कहं नाणुगमिस्समिक्का ॥६॥ पुरोहियं तं ससुयं सदारं, सुच्चाऽभिनिक्खम्म पहाय भोए । कुटुंबसारं विलुत्तमं तं रायं अभिक्खं समुवाय देवी ॥७॥ वंतासी पुरिसो रायं!, न सो होइ पसंसिओ। माहणेण परिच्चत्तं, धणं आदाउमिच्छसि ॥८ ॥ सव्वं जगं जइ तुह, सव्वं वावि धणं भवे। सव्वंपि ते अपज्जत्तं, नेव ताणाय तं तव ॥९॥ मरिहिसि रायं! जया तया वा, मणोरमे कामगुणे पहाय। इक्को हु धम्मो नरदेव! ताणं, न विज्जई अन्न (ज) मिहेह किंचि ॥४८० ॥ नाहं रमे पक्खिणि पंजरे वा, संताणछिन्ना चरिसामि मोणं। अकिंचणा उज्जुकडा निरामिसा, परिग्गहारंभनियत्त दोसा ॥१॥ दवग्गिणा जहा रण्णे, डज्झमाणेसुं जंतुसु । अन्ने सत्ता पमोयंति, रागद्दोसवसं गया ॥ २ ॥ एवमेव वयं मूढा, कामभोगेसु मुच्छिया ।। उज्झमाणं न बुज्झामो, रागद्दोसग्गिणा जगं ॥३ ॥ भोगे भुच्चा वमित्ता य, लहुभूयविहारिणो । आमोअमाणा गच्छंति, दिया कामकमा ॥ श्रीउत्तराध्ययनसूत्रं ॥
पू. सागरजी म. संशोधित
३५
Acharya Shri Kailashsagarsuri Gyanmandir
For Private And Personal
