________________
Shri Mahavir Jain Aradhana Kendra
www. kobatirth.org
॥ श्री संस्तारक सूत्रं ॥
काऊण नमुक्कारं जिणवरवसहस्स वद्धमाणस्स । संथारम्मि निबद्धं गुणपरिवाडिं निसामेह ॥ १ ॥ ५८७ ॥ एस किराराहणया एस किर मणोरहो सुविहिआणं। एस किर पच्छिमंते पडागहरणं सुविहियाणं ॥ २ ॥ भूईगहणं जह नक्कयाण अवमाणयं अवज्झा (वऽझा )णस्स) मल्लाणं च पडागा तह संथारो सुविहिआणं ॥ ३ ॥ पुरिसवरपुंडरीओ अरिहा इव सव्वपुरिससीहाणं । महिलाण भगवईओ जिणजणणीओ जयंमि जहा ॥४॥ वेरूलिउव्व मणीणं गोसीसं चंदणं व गंधाणी जह व रयणेसु वइरं तह संथारो सुविहिआणं ॥ ५ ॥ वंसाणं जिणवंसो सव्वकुलाणं च सावयकुलाई । सिद्धिगई य गईणं मुत्तिसुहं सव्वसुक्खाणं ॥ ६ ॥ धम्माणं च अहिंसा जणवयवयणाण साहुवयणाई । जिणवयणं च सूईणं सुद्धीणं दंसणं च जहा ॥ ७॥ कल्लाणं अब्भुदओ देवाणं दुल्लहं तिहुअणंभि । बत्तीसं देविंदा जं तं जायंति एगमणा ॥ ८ ॥ लद्धं तु तए एयं पंडिअमरणं तुं जिणवरक्खायं। हंतूण कम्ममल्लं सिद्धिपडागा तुमे लद्धा ॥ ९ ॥ झाणाण परमसुक्कं नाणाणं केवलं जहा नाणंी परिनिव्वाणं च जहा कमेण भणिअं जिणवरेहिं ॥ १० ॥ सव्युत्तमलाभाणं सामन्नं चैव लाभ मन्नंति। परमुत्तम तित्थयरो परमगई परमसिद्धति ॥ १ ॥ मूल तह संजमो वा परलोगरयाण किलिङकम्माण। सव्वुत्तमं पहाणं सामन्नं चेव मन्नंति ॥ २ ॥
॥ श्री संस्तारक सूत्रं ॥
पू. सागरजी म. संशोधित
१
Acharya Shri Kailassagarsuri Gyanmandir
For Private And Personal Use Only
