________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| पालंबलंबमाणसुक्यपडउत्तरिज्जे मुद्दियापिगुलंगुलिए नाणामणिकणगरयणविमलमहरिहनिउणोवियमिसिमिसिंतविरइयसुसिलिट्ठविसिठ्ठलट्ठ आविद्धवीर वलए किं बहुणा ?, कप्परुक्खए चेव अलंकियविभूसिए सुइपयए भवित्ता अम्मापियरो अभिवादइज्जा, तए णं तं पुरिसं अम्मापियरो एवं वइज्जा जीव पुत्ता! वासस्यंति, तंपि आउं तस्स नो बहुयं भवइ, कम्हा?, वासस्यं जीवंतो वीसं जुगाई जीवइ, वीसं जुगाईं जीवंतो दो अयणसयाई जीवइ, दो अयणसयाई जीवंतो छ उऊसयाई जीवड़, छ उऊसयाई जीवंतो बारस माससयाई जीवइ, बारसं माससयाई जीवंतो चउवीसं पक्खस्याई जीवड़, चउवीसं पक्खस्याइं जीवंतो छत्तीसं राईदियसहस्साइं जीवइ, छत्तीसं राइंदियसहस्साइं जीवंतो दस असीयाई मुहुत्तस्यसहस्साइं जीवइ, दसअसीयाई मुहुत्तस्यसहस्साइं जीवंतो चत्तारि ऊसासकोडिसए सत्त य कोडीओ अडयालीसं च सयसहस्साइं चत्तालीसं च ऊसाससहस्साइं जीवड़, चत्तारि य ऊसासकोडिसए जाव चत्तालीसं च ऊसाससहस्साइं जीवंतो अद्धतेवीसं तंदुलवाहे भुंजड़, कहमाउसो ! अद्धत्तेवीसं तंदुलवाहे भुंजड़ ? गो० दुब्बलाए खंडियाणं बलियाए छडियाणं खइरमुसलपच्चाहयाणं ववगयतुसकणियाणं अखंडाणं अफुडियाणं फलगसरियाणं इक्किवायाणं अद्धतेरसपलियाणं पत्थए, सेऽविय णं पत्थर मागहए, कल्लं पत्थे सायं पत्थो, चउसद्विसाहस्सीओ भागहओ पत्थो, बिसाहस्सिएणं कवलेणं बत्तीसं कवला पुरिसस्स आहारो अट्ठावीसं इत्थियाए चउवीसं पंडगस्स, एवामेव आउसो ! एयाए गणणाए दो असईओ पसई दो पसईओ य सेइया होइ चत्तारि सेइया कुलओ चत्तारि कुलया पत्थो चत्तारि पत्थगा आढगं सट्ठिए आढगाणं जहन्नए कुंभे असीईए आढयाणं
॥ श्री तन्दुलवैचारिक सूत्रं ॥
११
पू. सागरजी म. संशोधित
For Private And Personal Use Only
