________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
भगवं गोयमे समणं भगवं० भंते ! पुच्छा, कूडागार सालादिट्ठतेण तहेव सरीरं अणुपविट्ठा, पुव्वभवो एवं खलु गो० ! तेणं कालेनं० सावत्थी नामं नयरी होत्था, कोट्ठए चेइए, तत्थ णं सावत्थीए नयरीए अंगती नामं गाहावती होत्था अड्डे जाव अपरिभूते, तते णं से अंगती गाहावती सावत्थीए नयरीए बहूणं नगरनिगम० जहा आणंदो, तेणं कालेणं० पासे णं अरहा पुरिसादाणीए आदिकरे जहा महावीरो नवस्सेहे सोलसहिं समणसाहस्सीहिं अट्ठतीसाए अजिया साहस्सीहिं जाव कोट्ठते समोसढे, परिसानिग्गया, तते गं से अंगती गाहावती इमीसे कहाए लट्ठे समाणे हट्टे जहा कत्तिओ सेट्ठी तहा निग्गच्छति जाव पज्जुवासति, धम्मं सोच्चा निसम्म जं नवरं देवाणुप्पिया ! जेट्ठपुत्तं कुटुंबे ठावेमि तते णं अहं देवाणुप्पियाणं जाव पव्वयामि, जहा गंगदत्तो तहा पव्वतिते जाव गुत्तबंभयारी, तते गं से अंगती अणगारे पासस्स अरहतो तहारूवाणं थेराणं अंतिए सामाइयमाइयाई एक्कारस अंगाई अहिजति ता बहूहिं चउत्थ जाव भावेमाणो विहरड़, बहूइं वासाई सामन्नपरियागं पाउणति ता अद्धमासियाए संलेहणाए तीसं भत्ताइं अणसणाए छेदित्ता किंचिविराहियसामने कालमासे कालं किच्चा चंदवडिंस विमाणे उववातसभाते देवसयणिज्जंसि देवदूतरिए चंदे जोइसिंदत्ताए उववन्त्रे तते णं से चंदे जोइसराया अहणोववन्ने समाणे पंचविहाए पज्जत्तीए पज्जत्तीभावं गच्छइ, तंजहा आहारपजत्तीए सरीर० इंदिय० आणपाण० भासामणपज्जत्तीए० भावेमाणे विहरइ, चंदस्स णं भंते! जोइसिंदस्स जोइसरन्नो के वइयं कालं ठिती पं०?, गो० ! पलिओवमं वाससयसह स्समब्महियं, एवं खलु गो० ! चंदस्स जाव जोतिसरनो सा दिव्वा देविड्डी०, चंदे णं भंते ! जोइसिंदे जोइसराया ताओ पू. सागरजी म. संशोधित
॥ श्रीपुफिया सूत्रं ॥
For Private and Personal Use Only
