________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
||जाव अपडिबुज्झमाणे विणीयाए रायहाणीए मझूमझेणं णिग्गच्छइ त्ता जेणेव विणीआए रायहाणीए उत्तरपुरच्छिमे दिसीभाए||
अभिसेअमंडवे तेणेव उवागच्छइ त्ता अभिसेअमंडवदुवारे आभिसेकं हत्थिरयणंठावेइ त्ता आभिसेक्काओ हथियाओ पच्चोरूहई त्ता इत्थीरयणेणं बत्तीसाए उडुकल्लाणिआसहस्सेहिं बत्तीसाए जणवयकल्लाणिआसहस्सेहिं बत्तीसाए बत्तीसइबद्धेहिं गाडगसहस्सेहि सद्धिं संपरिवुडे अभिसेअभंडवं अणुपविसइ त्ता जेणेव अभिसेअपेढे तेणेव उवागच्छइत्ता अभिसेअपेढं अणुप्पदाहिणीरमाणे पुरथिमिल्लेणं तिसोवाणपडिरूवएणं दुरूहइत्ता जेणेव सीहासणे तेणेव उवागच्छइत्ता जाव पुरत्थाभिमुहे सण्णिसणणे, तए णं तस्स भरहस्स रण्णो बत्तीसं रायसहस्सा जेणेव अभिसेअमंडवे तेणेव उवागच्छंति त्त। अभिसेअमंडवं अणुपविसंति त्ता अभिसेअपेढं अणुपयाहिणीकोमाणा उत्तरिल्लेणं तिसोवाणपडिरूवएणं जेणेव भरहे राया तेणेव उवागच्छंति त्ता करयल जाव अंजलिं कटु भरहं रायाणं जएणं विजएणं वद्धावेति त्ता भरहस्स रण्णो णच्चासण्णे गाइदूरे सुस्सूसभाणा जाव पज्जुवासंति, तए णं तस्स भरहस्स सेणावइरयणे जाव सत्थवाहप्पभिईओ तेऽवि तह चेवणवरं दाहिणिल्लेणं तिसोवाणपडिरूवएणं जाव पज्जुवासंति, तए णं से भरहे राया आभिओगे देवेसहावेइत्ता एवं व्यासी खिय्यामेव भो देवाणुप्पिया! ममं महत्थं महग्धं महरिहं महारायाभिसेअंउवट्ठवेह, तए णं ते आभिओगिआ देवा भरहेणंरा एवं वुत्ता समाणा हद्वतद्वचित्ता जाव उत्तरपुरच्छिम दिसीभागं अवक्कमति त्ता वेउव्विअसमुग्धाएणं समोहणंति, एवं जहा विजयस्स तहा इत्थंपि जाव पंडगवणे एगओ मिलायति त्ता जेणेव दाहिणड्डे भरहे वासे जेणेव विणीआ || श्री जंबूद्वीप प्रज्ञप्ति सूत्र॥
| पू. सागरजी म. संशोधित
For Private And Personal Use Only
