________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
||सीहणायबोलकलकलरवेणं समुद्दरवभूअंपिव करेमाणे २ जेणेव तिमिस्सगुहाए दाहिणिल्ले दुवारे तेणेव उवागच्छइ ता तिमिस्सगुहं दाहिणिल्लेणं दुवारेणं अईइ ससिव्व मेहंध्यारनिवहं, तए णं से भरहे राया छत्तलं दुवालसंसिअं अट्टकण्णिअं अहिगरणिसंठिअं | अट्ठसोवण्णिअं कागणिरयणं परामुसइ, तए णं तं चउरंगुलप्पमाणमित्तं अट्ठसुवण्णं च विसहरणं अडलं चउरंससंठगणसंविअं समतलं |माणुम्माणपमाणजोगा जतो (जा ता )लोगे चरंति सव्वजणपण्णवगा (प्र० जच्चंजणगाणइ व चंदो गइ व तत्थ सूरे इ व अग्गी णइ व तत्थ भणिणो तिमिरं णासेति अंध्यारे जत्थ तयं दिव्वभावजुत्तं, दुवालसजो अणाई तस्स लेसाउ विवर्द्धति तिमिरणियर पडिसेहिआओ, रत्ति च सव्वकालं खंधावारे करेइ आलोअं दिवसभूअं जस्स पभावेण चक्कवट्टी तिमिस्सगुहं अतीति सेण्णसहिए अभिजेत्तुं बितिअमद्धभर हं, रायवरे कागणिं गहाय तिमिस्सगुहाए पुरच्छिमिल्लपच्चत्थिमिल्लेसु कडएसुं जोअणंतरिआई पंचधणुसयविक्खंभाई जोअणुज्जो अकराई चक्कणेमीसंठिआई चंदमंडलपडिणिकासाई एगूणपण्णं मंडलाई आलिहमाणे २ अणुष्पविसइ, तए णं सा तिमिस्सगुहा |भरहेणं रण्णा तेहिं जोयणंतरिएहिं जाव जोअणुज्जोअकरेहिं एगूणपण्णाए मंडलेहिं आलिहिज्जमाणेहिं खिप्पामेव आलोगभूआ उज्जोअभूआ दिवस (प्र० दीवसय) भूआ जाया यावि होत्था ॥ ५४ ॥ तीसे णं तिमिस्सगुहाए बहुमज्झदेसभाए एत्थ णं उम्मग्गणिमग्गजलाओ णामं दुवे महाणईओ पं० जाओ णं तिमिस्सगुहाए पुरच्छिमिल्लाओ भित्तिकडगाओ पवूढाओ समाणीओ पच्चत्थिमेणं सिंधुमहाणां समप्येंति, से केणट्टेणं भंते! एवं वुच्चइ उम्मग्गणिमग्गजलाओ महाणईओ ?, गो० ! जण्णं उम्मग्गजलाए महाणईए तणं वा पत्तं वा कट्टं वा सक्करा ॥ श्री जंबूद्वीप प्रज्ञप्ति सूत्रं ॥ पू. सागरजी म. संशोधित
६३
For Private And Personal Use Only
