________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| सिंधूए देवीए आसणं चलइ, तए णं सा सिंधुदेवी आसणं चलिअं पासइ ता ओहिं परंजड़ ता भरहं रायं ओहिणा आभोएइ ता (तीसे ) | इमे एआरुवे अम्मत्थिए चिंतिए पत्थिए मणोगए संकष्पे समुपज्जित्था उप्पण्णे खलु भो जंबुद्दीवे दीवे भरहे वासे भरहे णामं राया चाउरंतचक्कवट्टी, तं जीअमेअं तीअपच्चुप्पण्णमणागयाणं सिंधूणं भरहाणं राईणं उवत्थाणिअं करेत्तए, तं गच्छामि णं अहंपि भरहस्स रण्णो उवत्थाणअं करेमित्तिकट्टु कुंभट्टसहस्सं रयणचित्तं णाणामणिकणगरयणभत्तिचित्ताणि अ दुवे कणगभद्दासणाणि य कडगाणि अ तुडिआणि अ जाव आभरणाणि य गेण्हइ ना ताए उक्किट्ठाए जाव एवं व्यासी अभिजिए णं देवाणुम्पिएहिं केवलकप्पे (दाहिणे) | भरहे वासे अहण्णं देवाणुम्पिआणं विसयवासिणी अहण्णं देवाणुम्पिआणं आणत्तिकिंकरी तं पडिच्छंतु णं देवाणुम्पिआ ! मम इमं २ एआरूवं पीइदाणंतिकट्टु कुंभट्टसहस्सं रयणचित्तं णाणामणिकणगकडगाणि अ जाव सो चेव गमो जाव पविसज्जइ, तए णं से भरहे राया पोसहसालाओ पडिणिक्खमइ त्ता जेणेव मज्जणघरे तेणेव उवागच्छइ त्ता पहाए कयबलिकम्मे जाव जेणेव भोअणमंडवे तेणेव उवागच्छइत्ता भोअणमंडवंसि सुहासणवरगए अट्टमभत्तं परियादियइ ता जाव सीहासणवरगए पुरत्याभिमुहे णिसीअड़ ता अट्ठारस सेणिप्पसेणीओ सद्दावेइ ता जाव अट्ठाहिआए महामहिमाए• तमाणत्तिअं पच्चष्पिणंति ॥ ५० ॥ तए णं से दिव्वे चक्करयणे सिंधूए देवीए अट्ठाहिआए महामहिमाए णिव्वताए समाणीए आउहघरसालाओ तहेव जाव उत्तरपुरच्छिमं दिसिं वेअद्धपव्वयाभिमुहं पयाए आवि होत्था, नए णं से भरहे राया जाव जेणेव वेअद्धपव्वए जेणेव वेअद्धस्स पव्वयस्स दाहिणिल्ले णितंबे तेणेव उवागच्छइ ता पू. सागरजी म. संशोधित
॥ श्री जंबूद्वीप प्रज्ञप्ति सूत्रं ॥
५६
For Private And Personal Use Only
