________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| सव्वे मे ते विसयवासी ॥ १३ ॥ इतिकट्टु उस णिसिरइत्तिपरिगरणिगरिअमज्झो वाउद्धअसोभमाणकोसेज्जो । चित्तेण सोभए धणुवरेण | इंदोव्व पच्चक्ख ॥ १४ ॥ तं चंचलायमाणं पंचमिचंदोवमं महाचावं । छज्जइ वामे हत्थे णरवइणो तंमि विजयंमि ॥ १५ ॥ तए णं से सरे | भरहेणं रण्णा णिसट्टे समाणे खिप्पामेव दुवालस जोअणाइं गंता मागहतित्थाधिपतिस्स देवस्स भवणंसि निवइए, नए णं से मागह तित्थाहिवई देवे भवणंसि सरं णिवइअं पास ना आसुरूत्ते रुट्टे चंडिक्किए कुविए मिसिमिसेमाणे तिवलिअं भिउडिं णिडाले, साइरइ ता एवं व्यासी केस णं भो एस अपत्थि अपत्थए दुरंतपंतलक्खणे हीणपुण्णचाउदसे हिरिसिरिपरिवज्जिए जे णं मम इमाए एआणुरुवाए दिव्वाए देविद्धीए दिव्वाए देवजुईए दिव्वेणं दिव्वाणुभावेणं लगाए पत्ताए अभिसमण्णागयाए उप्पिं अप्पुस्सुए भवणंसि सरं णिसिरइत्तिकट्टु सीहासणाओ उट्ठेइ ता जेणेव से णामाहयंके सरे तेणेव उवागच्छइ ता तं णामाहयंकं सरं गेण्हइ त्ता णामंकं अणुपवाएइ नामकं अणुष्पवाएमाणस्स इमे एआरूवे अब्भत्थिए चिंतिए पत्थिए मणोगए संकपे समुप्पज्जित्था उप्पण्णे खलु भो! जंबुद्दीवे दीवे भरहे वासे भरहे णामं राया चारंतचक्कवट्टी तं जीअमेअं तीअपच्चुष्पण्णमणागयाणं मागह तित्थकुमाराणं देवाणं राईणमुवत्थाणीयं करेत्तए, तं गच्छामि णं अपि भरहस्स रण्णो उवत्थाणीअं करेमित्तिकट्टु संपेहेति एवं त्ता हारं मउडं कुंडलाणि य कडगाणि य तुडिआणि य वत्थाणि य आभरणाणि य सरं च णामाहयंकं मागहतित्थोदगं च गेण्हड़ ता ताए उक्किट्ठाए तुरिआए। चवलाए जयणाए सीहाए सिग्धाए उद्धआए दिव्वाए देवगईए वीईव्यमाणे २ जेणेव भरहे राया तेणेव उवागच्छइ ता अंतलिक्खपडिवण्णे
॥ श्री जंबूद्वीप प्रज्ञप्ति सूत्रं ॥
५०
पू. सागरजी म. संशोधित
For Private And Personal Use Only
