________________
Shri Mahavir Jain Aradhana Kendra
www. kobatirth.org
| भरेहणं रन्ना एवं वुत्ताओ समाणीओ हट्ठाओ जाव विणएणं पडिसुर्णेति ता भरहस्स रण्णो अंतिआओ पडिणिक्खमेन्ति ता उस्सुक्कं जाव करेंति अ कारवेंति अत्ता जेणेव भरहे राया तेणेव उवागच्छंति ता जाव तमाणत्तिअं पच्चष्पिणंति ॥ ४४ ॥ तए णं से दिव्वे चक्करयणे अट्ठाहिआए महामहिमाए निव्वत्ताए समाणीए आउहघरसालाओ पडिणिक्खमड़ ता अंतलिक्खपडिवण्णे जक्खसहस्ससंपरिवुडे | दिव्वतुडिअसद्दसण्णिाएणं आपूरेंत चेव अंबरतलं विणीआए रायहाणीए मज्झमज्झेणं णिग्गच्छत्ता गंगाए महाणईए दाहिणिल्लेणं कूलेणं पुरित्थमं दिसिं मागहतित्थाभिमुहं पयाते आवि होत्या, नए णं से भरहे राया तं दिव्वं चक्करयणं गंगाए महाणईए दाहिणिल्लेणं कूलेणं पुरत्थिमं दिसिं मागहतित्थाभिमुहं पयातं पासइ त्ता हट्टतुट्ठहियए कोडुंबिअपुरिसे सहावेड़ ता एवं व्यासी खिप्यामेव भो | देवाणुष्पिआ ! आभिसेक्कं हत्थियरणं पडिकप्पेह हयगयर हपवर जोहक लिअं चाउरंगिणिं सेण्णं सण्णाहेह त्ता एतमाणत्तिअं पच्चपिणह, तए णं ते कोडुंबिअ जाव पच्चपिणंति, तए णं से भरहे राया जेणेव मज्जणघरे तेणेव उवागच्छइ ता मज्जणघरं अणुपविसइ ता समुत्तजालाउलाभिरामे तहेव जाव धवलमहामेहणिग्गए इव ससिव्व पियदंसणे णरवई मज्जणघराओ पडिणिक्खमइ ता हयगयरहपवर| वाहणभडचडगर पहकर संकुलाए सेणाए पहिअकित्ती जेणेव बाहिरिआ उवद्वाणसाला जेणेव आभिसेक्के हत्थरयणे तेणेव उवागच्छइ । त्ता अंजणगिरिकडगसण्णिभं गयवरं णरवई दुरूढे, तए णं से भरहाहिवे णरिंदे हारोत्थयसुकयरइयवच्छे कुंडल उज्जोइआणणे मउडदित्तसिरए णरसीहे णरवरई गरिंदे णंरवसहे मरूअरायवसभकप्पे अब्महिअरायते अलच्छीए दिष्पमाणे पसत्थमंगलसएहिं संधुव्वमाणे
॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
४७
Acharya Shri Kailassagarsuri Gyanmandir
For Private And Personal Use Only
