________________
Shri Mahavir Jain Aradhana Kendra
www.kobatirth.org
अमणामस्सरा अमणुण्णस्सरा अणादेज्जवयणपच्चायाता णिल्लज्जा कूडकवडकलह बंधवेर निरया मज्जायातिक्कमप्पहाणा अकज्जणिच्चुज्जुया गुरूणिओगविणयरहिया य विकलरुवा परूढणह के समंसुरोमा काला खरफरुससा(झा पा० ) मवण्णा फुट्टसिरा कविलपलिअकेसा बहु ण्हारुणिसंपिणद्वदुद्दसणिजरूवा संकुडि अवलीतरं गपरिवेढि अंगमंगा जरापरिणयव्व थेरगणरा |पविरलपरिसडि अदंतसेढी उब्भडघड ( घाडा पा० ) मुहा विसमणयणवंकणासा वंक ( ग पा० ) वलीविगयभेसणमुहा दद्दुविकिटिभसिम्भफुडिअफरुसच्छवी चित्तलंगमंगा कच्छूखसराभिभूआ खरतिक्खणक्खकं डूइअविकयतणू टोलागि (लग) ती विसमसंधिबंधणा उक्कडु अट्ठि अविभत्तदुब्बलकु संघयणकुप्पमाणकु संठिआ कुरूवा कुट्ठाणासणकु सेजकु मोइणो असुइणो अणेगवाहिपीलिअंगमंगा खलंतविब्भलगई णिरुच्छाहा सत्तपरिवज्जिता विगय (विणट्ठ प्र०) चेट्ठा नद्वतेआ अभिक्खणं सीउण्हखरफरुसवायाविज्झडिअमलिणपंसुर ओगुंडि अंगमंगा बहुकोहमाणमायालोभा बहुमोहा असुभदुक्खभागी ओसण्णं धम्मसण्णसम्मत्तपरिभट्ठा उक्को० रयणिप्पमाणमेत्ता सोलसवी सइवासपरमाउसो बहुपुत्तणत्तुपरियालपणयबहुला गंगासिंधूओ महाणईओ वेअड्डुं च पव्वयं नीसाए बावत्तरिं बीअं बीअमेत्ता बिलवासिणो मणुआ भविस्संति, ते णं भंते! मणुआ किमाहारमाहारिस्संति?, गो० ! तेणं कालेणं० गंगासिंधूओ महाणईओ रहपहमित्तवित्थराओ अक्खसोअप्पमाणमेत्तं जलं वोज्झिहिंति, सेविअ णं जले बहुमच्छकच्छ भाइण्णे णो चेवणं आउबहुले भविस्सइ, तए णं ते मणुआ सूरुग्गमणत्थमणमुहुत्तंसि य बिलेहिंतो णिद्धाइस्संति ता मच्छकच्छभे थलाई गाहेस्संति त्ता सीआतवतत्तेहिं
॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
३७
Acharya Shri Kailassagarsuri Gyanmandir
For Private And Personal Use Only
