________________
Shri Mahavir Jain Aradhana Kendra
www.kcbetirth.org
Acharya Shri Kailassagarsuri Gyanmandir
त्ता तओ चिइगाओ रएह एगं भगवओ तित्थगरस्स एगं गणधराणं एगं अवसेसाणं अणगाराणं, तए णं से भवणवइजाववेमाणिआ|| देवा णंदणवणाओ सरसाई गोसीसवरचंदणकट्ठाई साहरंति त्ता तओ चिइगाओ रएंति, एगं भगवओ तित्थगरस्स एगं गणहराणं एगं| अवसेसाणं अणगाराणं, तए णं से सक्के देविंदे देवराया आभिओगे देवे सहावेइ २ त्ता एवं व्यासी खिय्यामेव भो देवाणुप्पिया! खीरोदगसमुहाओ खीरोदगं साहरह, तए णं ते आभिओगा देवा खीरोदगसमुहाओ खीरोदगं साहरंति, तए णं से सक्के देविंदे देवराया तित्थ्गरसरीरगं खीरोदगेणं ण्हाणेति त्ता सरसेणं गोसीसवरचंदणेणं अणुलिंपइ त्ता हंसलक्खणं पडसाडयं णिअंसेइ २ ता सव्वालंकारविभूसिरेति, तए णं ते भवणवइजाववेमाणिआ गणहरसरीरगाई अणगारसरीरमाइंपिय खीरोदगेणं ण्हावंति त्ता सरसेणं गोसीसवरचंदणेणं अणुलिपति त्ता अहताई दिव्वाई देवदूसजुअलाइं णिसंति त्ता सव्वालंकारविभूसिआई करेंति, तए णं से सक्के देविंदे देवराया ते बहवे भवणवइजाववेमाणिए देवे एवं वयासी खिय्यामेव भो देवाणुप्पिआ! ईहामिगउसमतुरयजाववणलयभत्तिचित्ताओ तओ सिबियाओ विउव्वह, एगं भगवओ तित्थगरस्स एगं गणहराणं एगं अवसेसाणं अणगराणं, तए णं ते बहवे भवणवइजाववेमाणिआ देवा तओ सिबिआओ विउव्वंति, एगं भगवओ तित्थगरस्स एगं गणहराणं एगं अवसेसाणं अणगराणं, तए णं से सके देविंदे देवराया विभणे णिराणंदे अंसुपुण्णणयणे भगवओ तित्थगरस्स विणट्ठजम्मजरामरणस्स सरीरगं सीअं आरूहेति त्ता चिइगाए ठवेइ, तए णं ते बहवे भवणवइजाववेमाणिया देवा गणहराणं अणाराण य विणजम्मजरामरणाणं सरीरंगाई सीअं ॥श्री गंबूद्वीप प्रज्ञप्ति सूत्र
| पू. सागरजी म. संशोधित ||
For Private And Personal Use Only
