________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
अभिसिञ्चति, कहिं णं भंते ! पंडगवणे पंडुकंबलसिला णामं सिला पं०?, गो०! मंदरचूलिआए दक्खिणेणं पंडगवणदाहिणपेरंते|| एत्थ णं पंडगवणे पंडुकं बलसिला णामं सिला पं० पाईणपडीणायया एवं तं चेव पमाणं वत्तव्वया य् भाणियव्वा जाव तस्स णं बहुसमरमणिजस्स भूमिभागस्स बहुमझदेसभाए एत्थ्णं महं एगे सीहासणे पं० चेव सीहासणप्यमाणं, तत्थ णं बहूहिं भवणवइ जाव भारहगा तित्थ्यरा अहिसिच्चंति, कहिं णं भंते ! पंडगवणे रत्तसिला णामं सिला पं० गो०! मंदरचूलिआए पच्चस्थिमेणं पंडगवणपच्चत्थिमपेरंते एत्थ णं पंडगवणे रत्तसिला णामं सिला पं० उत्तरदाहिणायया पाईणपडीणविच्छिण्णा जाव तं चेव पमाणं सव्वतवणिजमई अच्छा०, उत्तरदाहिणेणं एत्थ णं दुवे सीहासणा पं०, तत्थ गंजे से दाहिणिल्ले सिंहासणो तत्थ णं बहूहिं भवण पम्हाइआतित्थ्यरा अहिसिच्चंति, तत्थ णंजे से उत्तरिल्ले सीहासणे तत्थ्णं बहूहिं भवण जाव वप्पाइआ तित्थ्यरा अहिसिच्चंति, कहि णं भंते ! पंडगवणे रत्तकंबलसिला णामं सिला पं०?, गो०! मंदरचूलिआए उत्तरेणं पंडगवणउत्तरचरिमंते एत्थ णं पंडगवणे रत्तकंबलसिला णामं सिला पं० पाईणपडीणायया उदीणदाहिणविच्छिण्णा सव्वतवणिजमई अच्छ। जाव मझदेसभाए सीहासणे, तत्थ णं बहूहिं भवणवइ जाव देवेहिं देवीहि य एराव्यका तित्थ्य। अहिसिच्चति । १०८ मन्दरस्सणं भंते ! पव्वयस्स कइ कण्डा पं०?, गो० ! तओ कंडा पं००-हिद्विल्ले मज्झिले उवरिल्ले कण्डे, मन्दरस्सणं भंते ! पव्वयस्स हिडिल्ले कण्डे कतिविहे पं०?, गो० चउविहे पं० २०-पुढवी उवले वइरे सक्करा, मज्झिमिल्ले णं भंते ! कण्डे कतिविहे पं०?, गो०! चविहे पं० तं०-अंके फलिहे || ॥श्री जंबूद्वीप प्रज्ञप्ति सूत्र॥]
| पू. सागरजी म. संशोधित
For Private And Personal Use Only
