________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पासं भाणिअव्वं तत्थ ताव सीओआए महाणईए दक्खिणिल्ले कूले इमे विजया, तं०- पम्हे सुपम्हे महापम्हे, चउत्थे पम्हगावई। संखे|| कुमुए णलिणे, अट्ठमे णलिणावई॥६१॥ इमाओ रायहाणीओ, तं-आसपुरा सीहपुरा महापुरा चेव हवइ विजयपुरा। अवराइआ य अवरा असोय तह वीअसोगा य ॥६२॥ इमे वक्खारा, तं०-अंके पम्हे आसीविसे सुहावहे, एवं इत्थ परिवाडीए दो दो विजया कूडसरिसणामया भाणियव्वा दिसा विदिसाओ य भाणियव्याओ सीओया मुहवणं च भाणियब्वं, सीओयाए दाहिणिलं उत्तरिल्लं च, सीओयाए उत्तरिल्ले पासे इमे विजया, तं०-वध्ये सुक्ष्ये महावप्पे, चउत्थे वययावई । वगू य सुवग्गू य, गंधिले गंधिलावई ॥६३॥ रायहाणीओ इमाओ तं०-विजया वेजयंतीय, जयंती अपराजिया। चकपुरा खग्गपुरा हवइ अउज्झाय ॥१४॥इमे वक्खारा तं० चंद० सूर० नाग० देवपव्वए, इमाओणईओ सीओयाए महाणईए दाहिणिल्ले कूले खीरोया सीहसोया अंतरवाहिणीओ गईओ, उम्भिमालिणी फेणमालिणी गंभीरमालिणी उत्तरिल्लविजयाणंतराउत्ति, इत्थ परिवाडीए दो दो कूडा विजयसरिसणामया भाणिअव्वा, इमे दो दो कूडा अवट्ठिआतं०-सिद्धाययणकूडे पव्वयसरिसणामकूडे ११०३। कहिं णं भंते ! जंबुद्दीवे महाविदेहे वासे मंदरे णाम पव्वए पं०?, गो०! उत्तरकुराए दक्खिणेणं देवकुराए उत्तरेणं पुनविदेहस्सपच्चत्थिमेणं अवरविदेहस्स वासस्स पुरथिमेणं जंबुद्दीवस्स बहुमझदेसभाए एत्थ णं जंबुद्दीवे मंदरे ामं पव्वए पं० णवणउतिजोअणसहस्साई उद्धंउच्चत्तेणं एगंजोअणसहस्सं उव्वेहेणं मूले दसजोयणसहस्साई णवइंच जोयणाई दस य एगारसभाए जोयणस्स विक्खंभेणं धरणियले दस जोयणसहस्साई विक्खम्भेणं त्यणंतरं चणं मायाए २ ॥श्री जंबूद्वीप प्रज्ञप्ति सूत्र
१३५
पू. सागरजी म. संशोधित
For Private And Personal Use Only
