________________
Shri Mahavir Jain Aradhana Kendra
www.kobatirth.org
| अच्छे जाव पडिरूवे णिसहवासहरपव्वयंतेणं चत्तारि जोयणसहस्साइं उद्धंउच्चत्तेणं चत्तारि गाऊयसयाई उव्वेहेणं सेसं तहेव सव्वं । णवरं अट्ठो से, गो० ! सोमणसे णं वक्खारपव्वए बहवे देवा य देवीओ य सोमा सुमणा सुमणसिया, सोमणसे य इत्थ देवे महिद्धीए जाव परिवसइ, से एएणद्वेणं गो० ! जाव णिच्चे, सोमणसे वक्खारपव्वए कई कूडा पं०?, गो० ! सत्त कूडा पं० तं० - सिद्धे सोमणसेऽविअ बोद्धव्वे मंगलावईकूडे । देवकुरू विमल कंचण वसिटुकूडे य बोद्धव्वे ॥ ५९ ॥ एवं सव्वे पञ्चसइआ कूडा, एएसिं पुच्छाए दिसिविदिसाए भाणियध्वं जहा गंधमायणस्स, विमलकञ्चणकूडेसु णवरिं देवयाओ सुवच्छा वच्छमित्ता य अवसिट्ठेसु कूडेसु सरिसणामया देवा, रायहाणीओ दक्खिणेणं, कहिं णं भंते! महाविदेहे वासे देवकुराणामं कुरा पं०?, गो० ! मंदरस्स पव्वयस्स दाहिणेणं णिसहस्स उत्तरेणं विज्जुप्पहस्स वक्खारपव्वयस्स पुरत्थिमेणं सोमणसवक्खारपव्वयस्स पच्चत्थिमेणं एत्थ णं महाविदेहे वासे देवकुराणामं कुरा पं० पाईणपडीणायया उदीणदाहिणविच्छिण्णा इक्कारस जोयणसहस्साइं अट्ठ य बायाले जोयणसए दुण्णि य एगूणवीसइभाए जोयणस्स विक्खंभेणं जहा उत्तरकुराए वत्तव्वया जाव अणुसज्जमाणा मियगंधा पम्हगंधा अममा सहा तेतली सणिंचारी ॥ ९८ ॥ कहिं णं भंते! देवकुराए चित्तविचित्तकूडा णामं दुवे पव्वया पं०?, गो० ! णिसहस्स वासहरपव्वयस्स उत्तरिल्लाओ चरिमंताओ अट्ठचोत्तीसे जोयणसए चत्तारि य सत्तभाए जोयणस्स अबाहाए सीओआए महाणईए पुरत्थिमपच्चत्थिमेणं उभओकूले एत्थ णं चित्तविचित्तकूडा णामं दुवे पव्वया पं० एवं जच्चेव जमगपव्वयाणं सच्चेव, एएसिं रायहाणीओ दक्खिणेणं ॥ ९९ ॥ कहिं णं भंते! देवकुराए णिसढद्दहे णामं दहे
॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
१३२
Acharya Shri Kailassagarsuri Gyanmandir
For Private And Personal Use Only
