________________
Shri Mahavir Jain Aradhana Kendra
www.kcbetirth.org
Acharya Shri Kailassagarsuri Gyanmandir
सीआए महाणईए उत्तरेणं पम्हकूडस्स वक्खारपव्वयस्स पच्चत्थिमेणं गाहावईए महाणईए पुरथिभणं एत्थणं महाविदेहे वासे महाकच्छे | णामं विजए पं०, सेसं जहा कच्छविजयस्स जाव महाकच्छे इत्थ देवे महिद्धीए०, अट्ठो भाणियव्यो, कहिं णं भंते! महाविदेहे वासे पम्हकूडे णामं वक्खारपव्वए पं०?, गो०!णीलवंतस्स दक्खिणेणं सीआए महाणईए उत्तरेणं महाकच्छस्स पुरथिमेणं कच्छावइविजयस्स पच्चच्छिमेणं एत्थणं महाविदेहे वासे पम्हकूडे णामं वक्खारपव्वए पं० उत्तरदाहिणायए पाईणपडीणविच्छिण्णे सेसं जहा चित्तकूडस्स जाव आससयन्ति०, पम्हकूडे चत्तारि कूडा ५०० सिद्धाययणकूडे पम्हकूडे महाकच्छकूडे कच्छगावइकूडे एवं जाव अट्ठो, पम्हकूडे इत्थ देवे महद्धिए पलिओवभठिइए परिवसइ, से तेणटेणं गो०! एवं वुच्चइ०, कहिं णं भंते! महाविदेहे वासे कच्छगावती णामं विजए |पं०?, गो०! णीतवन्तस्स दाहिणेणं सीआए महाणईए उत्तरेणं दहावतीए महाणईए पच्चत्थिमेणं पम्हकूडस्स पुरथिमेणं एत्थ णं महाविदेहे वासे कच्छगावतीणामं विजए पं०?, गो! णीलवन्तस्सदाहिणेणं सीआए महाणईए उत्तरेणं दहावतीए महाणईए पच्चत्थिमेणं पम्हकूडस्स पुरथिमेणं एत्थ णं महाविदेहे वासे कच्छगावती णामं विजए पं० उत्तरदाहिणायए पाईणपडीणविच्छिण्णे सेसं जहा कच्छस्स विजयस्स जाव कच्छगावई य इत्थ देवे०, किह णं भंते! महाविदेहे वासे दहावई कुण्डे णामं कुण्डे पं०? गो०! आवत्तस्स विजयस्स पच्चत्थिमेणं कच्छगावईए विजयस्स पुरथिमेणं णीलवन्तस्स दाहिणिल्ले णितंबे एत्थ णं महाविदेहे वासे दहावईकुण्डे णाम कुण्डे पं० सेसं जहा गाहावईकुण्डस्स जाव अट्ठो, तस्स णं दहावईकुण्डस्स दाहिणेणं तोरणेणं दहावई महाणई पवूढा समाणी | ॥श्री जंबूद्वीप प्रज्ञप्ति सूत्र॥
पू. सागरजी म. संशोधित
For Private And Personal Use Only
