________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
बाहिं वडा अंतो चउरंसा सव्वरयणामया अच्छा०, ते णं पागाराणाणामणिपञ्चवण्णेहिं कविसीसएहिं उक्सोहिया, तं० किण्हेहिं जाव सुचिलेहि, ते णं कविसीसगा अद्धकोसं आयामेणं देसूणं अद्धकोसं उद्धंउच्चत्तेणं पञ्च धणुसयाई बाहल्लेणं सव्वमणिमया अच्छा०, जमिगाणं रायहाणीणं एगमेगाए बाहाए पणवीसं २ दारसयं पं०, ते णंदारा बावष्टुिं जोअणाई अद्धजोअणंच उद्धंउच्चत्तेणं इकत्तीस जोअणाई कोसंच विक्खंभेणं तावइअंचेव पवेसेणं सेआ वरणगथूभिआगा एवं रायप्पेसणइजविमाणवतव्वयाए दारवण्णओ जाव अट्ठमंगलगा, जमियाणं रायहाणीणं चउद्दिसिं पञ्च २ जोयणसए अबाहाए चत्तारिवणसण्डा पं० २०-असोगवणे सत्तवण्ण० चंपग चूअवणे, ते णं वणसंडा साइरेगाई बारसजोयणसहस्साइं आयामेणं पञ्च जोयणसयाई विक्खंभेणं पत्तेयं २ पागरपरिक्खित्ता किण्हा वणसण्डवण्णओ भूमीओ पासायवडेंसगा भाणियव्वा, जमिगाणं रायहाणीणं अंतो बहुसभरमणिजे भूमिभागे वण्णगो, तेसिंणंबहुसमरमणिज्जाणं भूमिभागाणं बहुमज्झदेसभाए एत्थ णं दुवे उव्यारियालया पं० बारस जोयणसयाई आयामविक्खंभेणं तिणि जायणसहस्साई सत्त य पञ्चाणउए जोयणसए परिक्खेवेणं अद्धकोसं च बाहल्लेणं सव्वजंबूणयामया अच्छा० पत्तेयं २ पउमवरवेझ्यापरिक्खित्ता पत्तेयं २ वणसंडवण्णओ भाणियव्वो, तिसोवाणपडिरूवगा तोरणा चउद्दिसिं भूमिभागा य भाणियव्वा, तस्स णं बहुमज्झदेसभाए एत्थ णंएगे पासायवडेंसए पं० बावष्टुिं जोयणाई अद्धजोयणं च उद्धंउच्चत्तेणं इकतीसंच जोयणाई कोसं आयामविक्खंभेणं वण्णओ उल्लोआ भूमिभागा सीहासणा सपरिवारा, एवं पासायपंतीओ एकतीसं जोयणाई कोसंच उद्धंउच्चत्तेणं | ॥श्री जंबूदीप प्रज्ञप्तिसूत्र
[पू. सागरजी म. संशोधित
For Private And Personal Use Only
