________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जोएति, ता एएसिं णं पंचण्हं संवच्छरणं तच्चं पुण पुच्छा, ता जंसि णं देसंसि चंदे दोच्चं पुण्णमासिणिं जोएति ताए पुण्णमासिणीठाणातो मंडलं चउव्वीसेणं सतेणं छेत्ता दुबत्तीसं भागे उवाइणावेत्ता एत्थ णं तच्चं चंदे पुण्णमासिणि जोएति, ता एतेसिं पंचण्हं संवच्छरणं दुवालसमं पुण्णमासिणिं चंदे कंसि देसंसि जोएति ?, ता जंसि णं देसंसि चंदे तच्चं पुण्णमासिणि जोएति ताते पुण्णमासिणिट्ठाणाते मंडलं चउव्वीसेणं सतेणं छेत्ता दोण्णि अट्ठासीते भागसते उवायिणावेत्ता एत्थ णं से चंदे दुवालसमं पुण्णमासिणिं जोएति, एवं खलु एतेणुवाएणं ताते २ पुण्णमा सिणिट्टाणाते मंडलं चउवीसेणं सतेणं छेत्ता दुबत्तीसभागे उवातिणावेत्ता तंसि २ देसंसि तं तं पुण्णमासिणिं चंदे जोएति, ता एतेसिं णं पंचण्हं संवच्छरणं चरमं बावट्ठि पुण्णमासिणिं चंदे कंसि देसंसि जोएति ?, त्ता जंबुद्दीवस्स णं पाईणपडीणायताए उदीणदाहिणायताए जीवाए मंडलं चउव्वीसेणं सतेणं छेत्ता दाहिणिल्लंसि चउब्भागमंडलंसि सत्तावीसं भागे उवायणावेत्ता अट्ठावीसतिभागं वीसहा छेत्ता अट्ठारसभागे उवातिणावेत्ता तिहिं भागेहिं दोहि य कलाहिं पच्चत्थिमिल्लं चउम्भागमंडलं असंपत्ते एत्थ णं चंदे चरिमं बावदिंठ पुण्णमासिणि जोएति । ६३ । ता एएसिं णं पंचण्हं संवच्छराणं पढमं पुण्णमासिणि सूरे कंसि देसंसि जोएति?, ता जंसि णं देसंसि सूरे चरिमं बावट्ठि पुण्णमासिणि जोएति ताते पुण्णमासिणिद्वाणातो मंडलं चउव्वीसेणं सतेणं छेत्ता चउणवतिं भागे उवातिणावेत्ता एत्थ णं से सूरिए पढमं पुण्णमासिणिं जोएइ, ता एएसिं णं पंचण्हं संवच्छराणं दोच्चं पुण पुच्छा, ता जंसि णं देसंसि सूरे पढमं पुण्णमासिणि जोएड ताए पुण्णमासिणीठाणाओ ॥ श्री चन्द्रप्रज्ञप्त्युपाङ्गम् ॥ पू. सागरजी म. संशोधित
६६
For Private And Personal Use Only
