________________
Shri Mahavir Jain Arachana Kendra
www.kobatirth.org
Acharya Shri Kailashsagarsuri Gyanmandir
|ता जसि णं देसंसि चंदे चरिमं बावडिं पुण्णमासिणिं जोएति ताए पुण्णमासिणिढाणातो मंडलं चउव्वीसेणं सतेणं छेत्ता बत्तीस भागे उवातिणावित्ता एत्थ णं से चंदे पढम पुण्णमासिणिं जोएति, ता एएसिं णं पंचण्हं संवच्छराणं दोच्चं पुण्णमासिणिं चंदे कंसि देससि जोएति ?, ता जसिणं देसंसि चंदे पढम् पुण्णमासिणिं जोएति ताए पुण्णमासिणिहाणातो मंडलं चवीसेणं सतेणं छेत्ता बत्तीसं भागे उवाइणावेत्ता एत्थ णं से चंदे दोच्चं पुण्णमासिणिं जोएति, ता एएसिंणं पंचण्हं संवच्छराणं तच्चं पुण्णमासिणिं| चंदे कंसि देसंसि जोएति ?, ता जंसिणं देसंसि चंदे दोच्चं पुण्णमासिणिं जोएति ताते पुण्णमासिणीठाणातों मंडलं चउव्वीसेणं। सतेणं छेत्ता बत्तीसं भागे उवाइणावेत्ता एत्य णं तच्चं चंदे पुण्णमासिणिं जोएति, ता एतेसिं पंचण्हं संवच्छराणं दुवालसमं पुण्णमासिणिं चंदे कंसि देसंसि जोएति?, ता जंसि णं देसंसि चंदे तच्चं पुण्णमासिणिं जोएति ताते पुण्णमासिणिहाणाते मंडलं चउव्वीसेणं सतेणं छेत्ता दोण्णि अट्ठासीते भागसते उवायणावेत्ता एत्य णं से चंदे दुवालसमं पुण्णमासिणिं जोएति, एवं खलु एतेणुवाएणं ताते २ पुण्णमासिणिढाणातो मंडलंचवीसेणं सतेणं छेत्ता बत्तीसभागं उवातिणावेत्ता तंसि २ देसंसि तं तं पुण्णमासिणिं चंदे जोएति, ता एतेसिं णं पंचण्हं संवच्छराणं चरम बावडिं पुण्णमासिणिं चंदे कंसि देसंसि जोएति?, ता जंबुद्दीवस्स णं पाईणपडीणायताए उदीणदाहिणायताए जीवाए मंडलं चउव्वीसेणं सतेणं छेत्ता दाहिणिलंसि चउभागमंडलंसि सत्तावीसं भागे उवायणावेत्ता अट्ठावीसतिभागं वीसहा छेत्ता अट्ठारसभागे उवातिणावेत्ता तीहिं भागेहिं दोहि य कलाहिं पच्चथिमिल्लं ॥ श्री सूर्यप्रज्ञप्त्युपाङ्गम् ॥
७०
पू. सागरजी म. संशोधित
For Private And Personal
