________________
Shri Mahavir Jain Arachana Kendra
www.kobatirth.org
Acharya Shri Kailashsagarsun Gyanmandir
चेतियखंभे वइरामएसु गोलवट्टसमुग्गएसु बहवे जिणसकथाओ संणिक्खित्ताओ चिटुंति, ताओ णं चंदस्स जोतिसिंदस्स जोइसरण्णो अण्णेसिंच बहूणं जोतिसियाणं देवाण य देवीण य अच्चणिज्जाओ वंदणिज्जाओ पूयणिज्जाओ सकारणिज्जाओ सम्माणणिज्जाओ कल्लाणं मंगलं देवयं चेतियं पजुवासणिज्जाओ एवं खलु णोपभू चंदे जोतिसिंदे जोतिसराया चंदवडिसए विमाणे सभाए सुहम्माए तुडिएणं सद्धि दिव्वाई भोगभोगाइं जमाणे विहरित्तए, पभू णं चंदे जोतिसिंदे जोतिसराया चंदवडिंसए विमाणे सभाए सुधम्माए चंदंसिसीहासणंसि चऊहिं सामाणियसाहस्सीहिं चाहिं अग्गमहिसीहिं सपरिवाराहिं तीहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अण्णेहि य बहूहिं जोतिसिएहिं देवेहिं देविहि य सद्धिं संपरिवुडे महताहतणगीयवाइयतंतीतलतालतुडियषणमुइंगपडुप्पवाइतरवेणं दिव्वाई भोगभोगाई भुंजमाणे विहरित्तए, केवलं परियारणिड्ढीए, णो चेवणं मेहुणवत्तियं, ता सूरस्स णं जोइसिंदस्स जोतिसरण्णो कति अग्गमहिसीओ पं०?, ता चत्तारि अग्गमहिसीओ पं० २०सूरप्पमा आतवा अच्चिमाली पभंकरा, सेसं जहा चंदस्सणवरं सूरवडेंसए विमाणे जावणो चेवणं मेहुणवत्तिताए १९७१जोतिसियाणं देवाणं केवइयं कालं ठिती पं०?, जह० अडभागपलितोवम उक्को० पलितोवमं वाससयसहस्समब्भहियं, ता जोतिसिणीणं देवीणं केवतियं कालं ठिती पं०?, जह० अनुभागपलितोवमं उक्को० अद्धपलिओवर्म पन्नासाए वाससहस्सेहिं अब्भहियं, चंदविमाणे णं|| देवाणं केवतियं कालं ठिती पं०?, जह० चउब्भागपलितोवमं उदो० पलितोवमं वाससयसहस्समब्भहियं, ता चंदविमाणे णं श्री सूर्यप्रजप्युपाङ्गम् ॥
| १००
पू. सागरजी म. संशोधित
For Private And Personal
