________________
Shri Mahavir Jain Arachana Kendra
www.kobatirth.org
Acharya Shri Kailashsagarsuri Gyanmandir
अभिगमणणिक्खमणवुद्धिणिवुड्ढिअणवहितसंठाणसंठितीविउव्वणगिड्ढिपत्ते रूवी चंदे देवे २ आहितेतिवदेजा ८१॥ तेरसमं पाहुडं १३ ॥
दोसिणा बहू आहि०?,ता दोसिणापक्खेणं दोसिणा बहू आहि०, ता कह ते दोसिणापक्खे दोसिणा बहू आहि०?, ता अंधकारपक्खाओ णं दोसिणा बहू आहि०, ता कहं ते अंधकारपक्खातो दोसिणापक्खे दोसिणा बहू आहि०?, ता अंधकारपक्खातोणं दोसिणापक्खं अयमाणे चंदे चत्तारि बायाले मुहुत्तसते छत्तालीसं च बावट्ठिभागे मुहुत्तस्स जाइं चंदे विरजति, तं०-पढमाए पढम् भागं बिदियाए जाव पण्णरसीए पण्णरसं भागं, एवं खलु अंधकारपक्खातो दोसिणापक्खे दोसिणा बहू आहि०, ता केवतिया णंदोसिणापक्खे दोसिणा बहू आहि०?, ता परित्ता असंखेजा भागा, ता कता ते अंधकारे बहू आहि?, ता अंध्यारपक्खे णं बहू अंधकारे आहि०, ता कहं ते अंधकारपक्खे अंधकारे बहू आहि०?, ता दोसिणापक्खातो अंधकारपक्खे अंधकारे बहू आहि०, ता कह ते दोसिणापक्खातो अंधकारपक्खे अंधकारे बहू आहि०?, ता दोसिणापक्खातो णं अंधकारपक्खं अयमाणे चंदे चत्तारि बायाले मुहत्तसते छायालीसं च बावठ्ठिभागे मुहुत्तस्स जाई चंदे रजति तं०-पढमाए पढम भागं बिदियाए बिदियं जाव पण्णरसीए पण्णरसभं भागं, एवं खलु दोसिणापक्खातो अंधकारपक्खे अंधकारे बहू आहि०, ता केवतिए णं अंधकारपक्खे अंधकारे बहू आहि०?, परित्ता असंखेजा भागा ॥ ८२ ॥ चोदसमं पाहुडं १४ ॥ ॥ श्री सूर्यप्रज्ञप्त्युपाङ्गम् ॥
पू. सागरजी म. संशोधित
९० ।
For Private And Personal
