________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समणाउसो!, एक्कारसुत्तरं हेडिमेसु सत्तुत्तरं च मज्झिमए । सयमेगं उवरिभए पंचेव अणुत्तरविमाणा ॥१५८॥ कहिं णं भंते! अणुत्तरोववाइयाणं देवाणं पज्जत्तापजत्ताणं ठाणा पं० कहिं णं भंते! अणुत्तरोववाइया देवा परिवसंति ?, गो०! इमीसे रयणप्पभाए पुढवीए बहुसमरमणिज्जाओ भूमिभागाओ जोयणकोडाकोडीओ उड्ढं दूरं उम्पइत्ता सोहम्मीसाणसणंकुमारजावआरणअच्चुयकप्या तिन्नि अट्ठारसुत्तरे गेविजगविमाणावाससए वीइवइत्ता तेण परं दूरं गया नीरया निम्मला वितिमिरा विसुद्धा पंचदिसिं पंच अणुत्तरा महइमहालया महाविमाणा पं० २० विजए वेजयंते जयंते अपराजिए सव्वसिद्धे, ते णं विमाणा सव्वरयणामया अच्छा० पडिरूवा, |एत्थ णं अणुत्तरोववाइयाणं देवाणं पज्जत्तापज्जत्ताणं ठाणा पं० तिसुवि लोगस्स असंखेज्जइभागे, तत्थ् णं बहवे अणुत्तरोववाइया देवा परिवसंति, सव्वे समिड्ढिया० सव्वे समबला सव्वे समाणुभावा महासुक्खा अणिंदा अप्पेस्सा अपुरोहिया अहमिंदा नाम ते देवगणा पं० समाउसो! । ५३। कहिं णं भंते! सिद्धाणं ठाणा पं० कहिं णं भंते सिद्धा परिवसति?, गो०! सव्वसिद्धस्स महाविमाणस्स उवरिल्लाओ थूभियग्गाओ दुवालस जोयणे उड्ढं अबाहाए एत्थ णं ईसीपब्भारा णाम पुढवी पं० पणयालीसं जोयणसयसहस्साई आयामविक्खंभेणं एगा जोयणकोडी बायालीसं च सयसहस्साई तीसं च सहस्साई दोनि य अउणापन्ने जोयणसए किंचिविसेसाहिए परिक्खेवेणं पं० ईसिपब्भाराए णं पुढवीए बहुमझदेसभाए अट्ठजोयणिए खेत्ते अट्ठ जोयणाई बाहल्लेणं |पं० तओ अणंतरं च णं मायाए २ पएसपरिहाणीए परिहायमाणी २ सव्वेसु चरमतेसु मच्छियपत्ताओ तणुययरी अंगुलस्स ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
