________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|| जाव विहरइ, नवरं चउण्हं विमाणावाससयसहस्साणं सट्ठीए सामाणियसाहस्सीणं चउण्हं सट्ठीए आयरक्खदेवसाहस्सीणं अन्नेसि ||
च बहूणं जाव विहरइ, कहिं णं भंते! लंतगदेवाणं पज्जत्तापज्जत्ताणं ठाणा पं० कहिं णं भंते ! लंतगदेवा परिवसंति ?, गो०! बंभलोगस्स कप्पस्स उप्पिं सपक्खि सपडिदिसिं बहूई जोयणाई जाव बहुगाओ जोयणकोडाकोडीओ उड्ढं दूरं उप्पइत्ता एत्थ णं लंतए नाम कप्पे पं० पाईणपडीणायए जहा बंभलोए नवरं पण्णासं विमाणावाससहस्सा भवन्तीतिमक्खायं वडिंसगा जहा ईसाणवडिंसगा नवरं मन्झे इत्थ लंतगवडिंसए देवा तहेव जाव विहरंति, लंतए एत्थ देविंदे देवराया परिवसइ जहा सणंकुमारे, नवरं पण्णासाए विमाणावाससहस्साणं पण्णासाए सामाणियसाहस्सीणं चउण्ह य पण्णासाणं आयरक्खदेवसाहस्सीणं अनेसिं च बहूणं जाव विहरइ, कहिं गं भंते! महासुकाणं० ठाणा० काहिं णं महासुका देवा परिवसंति ?, गो०! लंतगस्स कप्पस्स उपिं सपक्खि सपडिदिसिं जाव एत्थ णं महासुक्के नामं कप्पे पं० पाईणपडीणायए उदीणदाहिणविच्छिण्णे जहा बंभलोए नवरं चत्तालीस विमाणावाससहस्सा भवन्तीतिमक्खायं वडिंसगा जहा सोहम्मवडिंसगा, नवरं माझे इत्य् महासुक्वडिसए जाव विहरंति, महासुक्के इत्थ देविंदे देवराया जहा सणंकुमारे, नवरं चत्तालीसाए विभाणावाससहस्साणं चत्तालीसाए सामाणियसाहस्सीणं चउण्ह य चत्तालीसीणं आयरक्खदेवशाहस्सीणं जाव विहरइ, कहिं णं भंते! सहस्सारदेवाणं पज्जत्तापजत्ताणं ठाणा पं० कहिं णं भंते! सहस्सारदेवा परिवसंति ?, गो०! महासुक्कस्स कप्पस्स उप्पिं सपक्खिं सपडिदिसिं जाव उप्पइत्ता एत्थ णं सहस्सारे नाम कप्पे ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
