________________
Shri Mahavir Jain Aradhana Kendra
www.kobatirth.org
पजत्तापज्जत्ताणं ठाणा पं०, तिसुवि लोगस्स असंखिज्जइ भागे, तत्थ णं बहवे सोहम्मगदेवा परिवसंति महिड्ढिया जाव पभासेमाणा, ते णं तत्थ साणं २ विमाणावाससयसहस्साणं साणं २ अग्गमहिसीणं साणं २ सामाणियसाहस्सीणं एवं जहेव ओहियाणं तहेव एएसिंपि भाणियव्वं जाव आयरक्खदेवसाहस्सीणं अन्नेसिं च बहूणं सोहम्मगकप्पवासीणं वेमाणियाणं देवाण य देवीण य आहेवच्च जाव विहरंति, सक्के य इत्थ देविंदे देवराया परिवसइ वज्रपाणी पुरंदरे सयक्तू सहसक्खे मघवं पागसासणे दाहिणड्ढलो गाहिवई बत्तीसविमाणावाससयसहस्साहिवई एरावणवाहणे सुरिंदे अयरंबरवत्थधरे आलइयमालमउडे नवहेमचारु चित्तचंचलकुंडलविलिहिज्ज माणगंडे महिड्दिए जाव पभासेमाणे से णं तत्थ बत्तीसाए विभाणावासस्यसहस्साणं चउरासीए सामाणियसाहस्सीणं तायत्तीसाए तायत्तीसगाणं चउण्हं लोगपालाणं अट्ठण्हं अग्गमहिसीणं सपरिवाराणं तिण्हं परिसाणं सत्तण्हं अणीयाणं सत्तण्हं अणीयाहिवईणं चउण्हं चउरासीणं आयरक्खदेवसाहसीणं अन्नेसिं च वहूणं सोहम्मकप्पवासीणं वेमाणियाणं देवाण य देवीण य आहेवच्चं पोरेवच्चं० कुव्वेमाणे जाव विहरइ (५२) कहिं णं भंते! ईसाणाणं देवाणं पज्जत्तापजत्ताणं ठाणा पं० कहिं णं | भंते! ईसाणगा देवा परिवसंति?, गो० ! जंबुद्दीवे दीवे मंदरस्स पव्वयस्स उत्तरेणं इमीसे रयणम्पमाए पुढवीए बहुसमरमणिजाओ भूमिभागाओ उड्ढं चंदिमसूरियगहनक्खत्ततारारूवाणं बहूई जोयणसयाई बहूई जोयणसहस्साई जाव उड्ढं दूरं उप्पइत्ता एत्थ णं ईसाणे णामं कप्पे पं० पाईणपडीणायए उदीणदाहिणविच्छिण्णे एवं जहा सोहम्मे जाव पडिरूवे, तत्थ णं ईसाणगदेवाणं अट्ठावीसं ॥ श्री प्रज्ञापनोपांगम् ॥ पू. सागरजी म. संशोधित
५६
Acharya Shri Kailassagarsuri Gyanmandir
For Private And Personal Use Only
