________________
Shri Mahavir Jain Aradhana Kendra
www.kobatirth.org
लोगस्स असंखेज्जइभागे, तत्थ णं बहवे जोइसिया देवा परिवसंति, तं० - बहस्सई चंदा सूरा सुक्का सणिच्छरा राहू धूमकेऊ बुधा अंगारगा तत्ततवणिजकणगवन्ना जे य गहा जोइसम्मि चारं चरंति केउ य गइरइया अट्ठावीसइविहा नक्खत्तदेवतगणा णाणासंठगणसंठियाओ पंचवन्नाओ तारयाओ ठियलेसाचारिणो अविस्साममंडल गई पत्तेयनामंक पागडियचिंधमउडा महिड्ढिया जाव पभासेमाणा० ते णं तत्थ साणं २ विभाणावाससय सहस्साणं साणं २ सामाणियसाहस्सीणं० अन्नेसिं च बहूणं जोइसियाणं | देवाणं देवीण य आहेदच्चं जाव विहरति, चंदिमसूरिया इत्थ दुवे जोइसिंदा जोइसियरायाणो परिवसंति महिड्ढिया जाव पभासेमाणा, ते णं तत्थ साणं २ जोइसियविमाणावाससयसहस्साणं चउण्हं सामाणियसाहस्सीणं चउण्हं अग्गमहिसीणं सपरिवाराणं सोलसण्हं | आयरदखदेवसाहस्सीणं जाव अन्नेसिं च बहूणं जोइसियाणं देवाणं देदीण य आहेवच्चं जाव विहरति । ५० । कहिं णं भंते! वेमाणियायं देवाणं पज्जत्तापजत्ताणं ठगणा पं० कहिं णं भंते ! वेमाणिया देवा परिवसंति?, गो० ! इमीसे रयणप्पभाए पुढवीए बहुसमरमणिज्जाओ भूमिभागाओ उड्ढं चंदिमसूरियगहनक्खत्ततारारूवाणं बहूई जोयणाई बहूई जोयणसयाई बहूई जोयणसहस्साई बहूई जोयणसयसहस्साइं बहुगाओ जोयणकोडीओ बहुगाओ जोयणकोडीकोडीओ उड्ढं दूरं उप्पइत्ता एत्थ णं सोहम्मीसाणसणं कुमारमाहिंदबंभलोयलंत गमहासुक्क सहस्सार आणयपाणय आरणच्चुयगेवेज्जणुत्तरेसु एत्थ णं वेमाणियाणं देवाणं चउरासीई विमाणावासस्यसहस्सा सत्ताणउई च सहस्सा तेवीसं च विमाणा भवन्तीतिभक्खायं, ते णं विमाणा सव्वरयणामया ॥ श्री प्रज्ञापनोपांगम् ॥
पू. सागरजी म. संशोधित
५४
Acharya Shri Kailassagarsuri Gyanmandir
For Private And Personal Use Only
