________________
Shri Mahavir Jain Aradhana Kendra
www.kobatirth.org
जेणं मणपज्जवनाणं उप्पाडेजा से णं केवलनाणं उप्पाडेजा ?, गो० ! नो इणट्टे समट्टे (२६२ । पंचिंदियतिरिक्खजोणिया णं भंते! पंचिंदियतिरिक्खजोणिएहिंतो अनंतरं उव्वट्टित्ता नेरइएस उववज्जेज्जा ?, गो० ! अत्थेगइए उववज्जेज्जा अत्थेगइए णो उववज्जेज्जा, जे० से णं केवलिपण्णत्तं धम्मं लभेज्जा सवणयाए ?, गो० ! अत्थेगइए लभेजा अत्थेगइए णो लभेजा, जे णं केवलिपत्रत्तं धम्मं लभेज्जा सवणयाए से णं किं केवलिं बोहिं बुज्झेजा ?, गो० ! अत्थेगतिए बुज्झेजा अत्थेगतिए णो बुज्झेज्जा, जे णं भंते! केवलिं बोहिं बुज्झेज्जा से णं सद्दहेजा पत्तिएजा रोएज्जा ?, हंता गो० ! जाव रोएजा, जे णं भंते! सद्दहेजा ० से णं आभिणिबोहियनाणसुयनाण ओहिनाणाई उप्पाडेज्जा ?, हंता गो० ! जाव उप्पाडेजा ?, जे णं भंते! आभिणिबोहियनाणसुयनाण ओहिनाणाइं उप्पाडेजा से णं संचाएजा सीलं वा जाव पडिवजितए ?, गो० ! णो इणट्टे समट्टे ! एवं असुर्रकुमारेसुवि जाव थणियकुमारेसु, एगिंदियविगलिंदिए जहा पुढवीकाइआ, पंचिंदियतिरिक्खजोणिएसु मणुस्सेसु य जहा नेरइए, वाणमंतर जोइसियवेमाणिएसु जहा असुरकुमारे । दारं ४ । २६३। रयणप्पभापुढवीनेरइए णं भंते! रयण० नेरइएहिंतो अनंतरं उव्वट्टित्ता तित्थगरत्तं लभेजा ?, गो० ! | अत्थेगइए लभेजा अत्थे णो लभेज्जा, से केणद्वेणं भंते! एवं वुच्चइ अत्थेगइए लभेजा अत्थेगइए णो लभेजा ?, गो० ! जस्स णं रयण० नेरइअस्स तित्थगर नामगोयाई कम्माई बद्धाई पुट्ठाई निघत्ताई कडाई पट्टवियाई निविट्ठाई अभिनिविट्ठाई अभिसमन्नागयाई | उदिना णो उवसंताई हवंति से णं रयण० नेरइए रयण० नेरइएहिंतो अनंतरं उव्वट्टित्ता तित्थगरत्तं लभेज्जा, जस्स णं रयण० ॥ श्री प्रज्ञापनोपांगम् ॥
पू. सागरजी म. संशोधित
२५५
Acharya Shri Kailassagarsuri Gyanmandir
For Private And Personal Use Only
