________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|| नेरइएसु उववजति कण्हलेसे उववट्टइ, जल्लेसे उववजइ तल्लेसे उव्वट्टइ?, हंता गो०! कण्हलेसे नेरइए कण्हलेसेसु नेरइएसु उववजति
कण्हलेसे उव्वट्टइ, जल्लेसे उववज्जइ तल्लेसे उव्वट्टइ, एवं नीललेस्सेवि, एवं काउलेस्सेवि, एवं असुरकुमाराणवि जाव थणियकुमारा नवरं तेउलेस्सा अब्भहिया, से नूणं भंते! कण्हलेसे पुढवीकाइए कण्हलेसेसु पुढवीकाइएसु उववज्जति कण्हलेसे उव्वट्टइ, जल्लेसे उववजति तल्लेसे उव्वदृति?, हंता गो०! कण्हलेसे पुढवीकाइए कण्हलेसेसु पुढवीकाइएसु उववज्जति, सिय कण्हलेसे उव्वट्ट सिय नीललेसे उव्वट्टइ सिय काउलेसे उव्वट्टइ सिय जल्लेसे उववजति सिय तल्लेसे उव्वट्टइ, एवं नीलकाउलेस्सासुवि, से नूणं भंते! तेउलेसे पुढवीकाइए तेउलेस्सेसु पुढवीकाइएसु उववजइ० पुच्छा, हंता गो०! तेउलेस्सेसु पुढवीकाइएसु उववजइ, सिय कण्हलेसे उव्वट्टइ सिय नील० उव्वट्टइ सिय काउ० उव्वट्टइ, तेउ० उववज्जइ नो चेवणं तेउलेसे उव्वट्टइ, एवं आउकाइया वणस्सइकाइयावि. तेउवाऊ एवं चेव नवरं एतेसिं तेउलेस्सा नस्थि, बितियचरिदिया एवं चेव तिसु लेसासु, पंचेंदियतिरिक्खजोणिया मणुस्सा य जहा पुढवीकाइया आदिलियासु तिसु लेसासु भणिया तहा छसुवि लेसासु भा०, नवरं छप्पि लेस्साओ चारेयवाओ, वाणमंतरा जहा असुरकुमारा, से नूणं भंते! तेउलेस्से जोइसिए तेउलेस्सेसु जोइसिएसु उच० जहेव असुरकुमारा, एवं वेमाणियावि, नवरं दोण्हंपि चयंतीति अभिलावो, से नूणं भंते! कण्हलेसे नील० काउ० नेरइए कण्हलेसेसु नीललेसेसु काउलेसेसु नेरइएसु उवव० कण्ह० नील० काउले०उव्वट्ट जल्लेसे उववज्जइ तल्लेसे उव्वट्टइ?, हंता गो०! कण्ह० नील० काउलेसे० उववज्जइ जल्लेसे उववजइ ॥ श्री प्रज्ञापनोपांगम् ॥
पू. सागरजी म. संशोधित
| २२७
For Private And Personal Use Only
