________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
वा छविच्छेयं वा करेंति, पगइभद्दगा णं ते वालगगणा पं० समणाउसो ! अत्थि णं भंते ! एगुरुयदीवे गहदंडाति वा गहमुसलाइ वा गहगज्जिताति वा गहजुद्धाति वा गहसंघाडगाति वा गहअवसव्वाति वा अब्भाति वा अब्भरुक्खाति वा संझाति वा गंधव्वनगराति वा गज्जिताति वा विज्जुताति वा उक्कापाताति वा दिसादाहाति वा णिग्घाताति वा पंसुविट्टीति वा जूवगाति वा जक्खालित्ताति वा धूमिताति वा महिताति रउग्घाताति वा चंदोवरागाति वा सूरोवरागाति वा चंदपरिवेसाइ वा सूरपरिवेसाति वा पडिचंदाति वा पडिसूराति वा इंदधणूति वा उदगमच्छाति वा अमोहाइ वा कविहसियाइ वा पाईणवायाइ वा पडीणवायाइ वा जाव सुद्धवाताति वा गामदाहाति वा नगरदाहाति वा जाव सण्णिवेसदाहाति वा पाणक्खतजणक्ख्यकुलक्खयधणक्खयवसणभूतमणारिताति वा?, णो तिणट्टे समट्ठे. अत्थि णं भंते! एगुरुयदीवे डिंबाति वा डमराति वा कलहाति वा बोलाति वा खाराति वा वेराति वा विरुद्धरज्जाति वा ? णो तिणट्टे समट्टे, ववगतडिंबडमर कलह बोलखारवेरविरुद्धरज्जविवज्जिता णं ते मणुयगणा पं० समणाउसो !, अत्थि णं भंते! एगुरुयदीवे महाजुद्धाति वा महासंगामाति वा महासंनाहाति वा महापुरिसनिवाडणाति वा महासत्यनिवयणाति वा महापुरिसबाणाति वा महारुधिरबाणाति वा नागबाणाति वा खणबाणाइ वा तामसबाणाइ वा दुब्भूतियाइ वा कुलरोगाति वा गामरोगाति वा नगररोगाति वा मंडलरोगाति वा सिरोवेदणाति वा अच्छिवेदणाति वा कण्णवेदणाति वा णक्कवेदणाइ वा दंतवेदणाइ वा नखवेदणाइ वा कासाति वा सासाति वा सोसाति वा जराति वा दाहाति वा कच्छूति वा खसराति वा कुद्धाति वा कुट्ठाति वा दगराति वा अरिसाति ॥ श्री जीवाजीवाभिगम् ॥
पू. सागरजी म. संशोधित
८५
For Private And Personal
