________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सहीति वा सुहियाति वा महाभागाति वा संगतियाति वा?, णो तिण्ट्ठ समट्ठे, ववगतपेम्मा ते मणुयगणा पं० समणाउसो !, अत्थि णं भंते! एगोरुयदीवे आवाहाति वा वीवाहाति वा जण्णाति वा भद्दाति वा थालिपाकाति वा चेलोवणतणाति वा सीमंतुण्णयणाइ वा पितिपिंड निवेदणाति वा?, णो तिणट्टे समट्ठे, ववगत आवाह विवाहजण्णभद्दथालिपागचोलोवणतणसीमंतुण्णयणमतपिंड निवेदणा णं ते मणुयगणा पं० समणाउसो ! अत्थि णं भंते! एगोरुयदीवे दीवे इंदमहाति वा खंदमहाति वा रुद्दमहाति वा सिवमहाति वा वेसमण महाइ वा मुगुंदमहाति वा णागमहाति वा जक्खमहाति वा भूतमहाति वा कुवमहाति वा तलाय० गदिमहाति वा दहमहाति वा पव्वयमहाति वा रुक्खरोवणमहाति वा चेइयमहाइ वा थूभमहाति वा ?, णो तिणट्टे समट्टे, ववगतमहमहिमा णं ते मणुयगणा पं० समणाउसो !, अत्थि णं भंते ! एगोरुयदीवे ण्डपेच्छाति वा णट्टपेच्छाति वा मल्लपेच्छाति वा मुट्ठियपेच्छाइ वा विडंबगपेच्छाइ वा कहगपेच्छाति वा पवगपेच्छाति वा अक्खायगपेच्छाति वा लासगपेच्छाति वा लंखपे० मंखपे० तूणइल्लपे० तुंबवीणपे० किविणपे० मागहपे० जल्लपे० ? णो तिणट्टे समट्टे, ववगतको उहल्ला णं ते मणुयगणा पं० समणाउसो!, अत्थि णं भंते! एगुरुयदीवे | सगडाति वा रहाति वा जाणाति वा जुग्गाति वा गिल्लीति वा थिल्लीति वा पिपिल्लीइ वा पवहणाणि वा सिवियाति वा दमाणियाति वा?, णो तिणट्टे समट्ठे, पादचारविहारिणो णं ते मणुस्सगणा पं० समणाउसो !, अत्थि णं भंते! एगुरुयदीवे आसाति वा हत्थीति वा उट्टाति वा गोणाति वा महिसाति वा खराति वा घोडाति वा अजाति वा एलाति वा? हंता अत्थि, नो चेव णं तेसिं मणुयाणं ॥ श्री जीवाजीवाभिगम् ॥
पू. सागरजी म. संशोधित
८३
For Private And Personal
