________________
Shri Mahavir Jain Aradhana Kendra
www.kobatiram.org
Acharya Shri Kailashsagarsur Gyanmandir
तणाण य वण्णगंधफासो, सद्दो तणाणं. वावीओ उप्यायपव्वया पुढवीसिलापट्टगा य भाणितव्वा जाव तत्थ णं बहवे वाणमंतरा देवा य देवीओ य आसयंति जाव विहरति । ११११ एगोरुयदीवस्स णं दीवस्स अंतो बहुसमरमणिजे भूमिभागे पं० से जहाणामए आलिंगपुक्खरेति वा एवं सयणिज्जे भाणितव्ये जाव पुढवीसिलापट्टगंसि तत्थ णं बहवे एगुरुयदीवया मणुस्सा य मणुस्सीओ य आसयंति जाव विहरंति, एगुरुयदीवे णं दीवे तत्थ २ देसे २ तहिं २ बहवे उद्दालका (५० मोद्दालका) कोदालका कतमाला णमाला सिंगमाला संखमाला दंतमाला सेलमालगा णामं दुमगणा पं०, समणाउसो! कुसविकुसविसुद्धरुक्खमूला मूलमंतो कंदमंतो जाव बीयभंतो पत्तेहि य पुष्फेहि य अच्छण्णपडिच्छण्णा सिरीए अतीव २ उक्सोभेमाणा २ चिटुंति, एक्कोरुयदीवे णं दीवे तत्थ २ रुक्खा बहवे हेरुयालवणा भेरुयालवणा मेरुयालवणा सेरुयालवणा सालवणा सरलवणा सत्तवण्णवणा पूतफलिवणा खजूरिवणा णालिएरिवणा कुसविकुसवि जाव चिटुंति, एगुरुयदीवे णं तत्थ २ बहवे तिलया लवया नग्गोधा जाव रायरुक्खा णंदिरुक्खा कुसविकुसवि० जाव चिटुंति, एगुरुयदीवे णं तत्थ २ बहूओ पउमलयाओ जाव सामलयाओ निच्चं कुसुमिताओ एवं लयावण्णओ जहा उववाइए जाव पडिरूवाओ, एकोरूयदीवे णं तत्थ् २ बहवे सेरियागुम्मा जाव महाजातिगुम्मा ते णं गुम्मा दसद्धवण्णं कुसुमं कुसुमंति विधूयग्गसाहा जेण वायविधूयग्गसाला एगोरूयदीवस्स बहुसभरमणिज्ज भूमिभागं मुक्कपुष्फपुंजोक्यारकलियं करेंति, एकोरूयदीवे णं तत्थ् २ बहूओ वणरातीओ पं०, ताओ णं वणरातीतो किण्हातो किण्होभासाओ जाव रम्माओ ॥ श्री जीवाजीवाभिगम् ॥
पू. सागरजी म. संशोधित
For Private And Personal
