________________
Shri Mahavir Jain Arachana Kendra
www.kobatirth.org
Acharya Sh Kailashsagarsuri Gyanmandir
|पं०? सेसं जहा पक्खीणं णाणत्तं ठिती जह० अंतोमुहुत्तं उक्को० तिनि पलिओवभाई उव्व० चउत्थिं पुढविं गच्छंति दस जातीकुलकोडी०, जलयरपंचेदियतिरिक्खजोणियाणं पुच्छ। जहा भुयपरिसप्पाणं णवरं उव्व् जाव अधेसत्तमं पुढविं अद्धतेरस जातीकुलकोडीजोणीपमुह० जाव पं०, चउरिदियाणं भंते! कति जातीकुलकोडीजोणीपमुहसतसहस्सा पं०?, गो०! नव जाईकुलकोडीजोणीपमुहसयसहस्सा समक्खाया, तेइंदियाणं पुच्छा, गो०! अट्ठ जाईकुल जावभक्खाया, बेइंदियाणं भंते! कई जाई०?, पुच्छ। गो०! सत्त जाईकुलकोडीजोणीपमुह० १९८। कई गं भंते! गंधा पं०? कई णं भंते! गंधसया पं०?, गो०! सत्त गंधा सत्त गंधसया पं०, कई णं भंते! पुष्फजाईकुलकोडीजोणिपमुहसयसहस्सा पं०?, गो०! सोलस पुष्फजातीकुलकोडीजोणीपमुहसंयसहस्सा पं०, तं०-चत्तारि जलयरा (या) णं चत्तारि थलयरा (या) णं चत्तारि महारुकिख्याणं चत्तारि महागुम्मिताणं, कति णं भंते! वल्लीओ कति वल्लिसता पं०?, गो०! चत्तारि वल्लीओ चत्तारि वल्लीसता पं०, कति णं भंते! लताओ कति लतासता |पं०?, गो०! अट्ठ लयाओ अट्ठ लतासता पं०, कति णं भंते! हरियकाया हरियकायसया पं०?, गो०! तओ हरियकाया तओ हरियकायसया पं०, फलसहस्सं च बिंटबद्धाणं फलसहस्सं च णालबद्धाणं, ते सव्वे हरितकायमेव सभोयरंति । ते एवं समणुगम्भमाणा एवं समणुगाहिजमाणा एवं समणुपेहिज्जमाणा एवं समणुचिंतिजमाणा एएसु चेव दोसु काएसु समोयरंति, तं०तसकाए चेव थावरकाए चेव, एवामेव सपुव्वावरेणं आजीवियदिढतेणं चउरासीती जातिकुलकोडीजोणीपमुहसतसहस्सा भवंतीति ॥ श्री जीवाजीवाभिगम् ॥
पू. सागरजी म. संशोधित
For Private And Personal
