________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
गो० ! सव्वत्थोवा तिरिक्खजोणियपुरिसा तिरिक्खजोणिइत्थीओ संखे० तिरिक्खजोणियणपुंसगा अनंतगुणा, एतेसिं णं भंते ! मणुस्सित्थीणं मणुस्सपुरिसाणं मणुस्सणपुंसकाण य कयरे०?, गो! सव्वत्थोवा मणुस्सपुरिसा मणुस्सित्थीओ संखे० मणुस्सणपुंसका असंखेज्जगुणा, एतसिं णं भंते! देवित्थीणं देवपुरिसाणं णेरइयणपुंसकाण य कयरे ०?, गो० ! सव्वत्थोवा णेरइयणपुंसका देवपुरिसा असं० देवित्थीओ संखेज्जगुणाओ, एतेसिं णं भंते! तिरिक्खजोणित्थीणं तिरिक्खजोणियपुरिसाणं तिरिक्खजोणियणपुंसकाणं मणुस्सित्थीणं मणुस्सपुरिसाणं मणुस्सनपुंस्काणं देवित्थीणं देवपुरिसाणं णेरइयणपुंसकाण य कतरे ०?, गो! सव्वत्थोवा मणुस्सपुरिसा मणुस्सित्थीओ संखे० मणुस्सणपुंसका असं० णेरइयणपुंसका असं० तिरिक्खजोणियपुरिसा असं० तिरिक्खजोणित्थियाओ संखेज्ज० देवपुरिसा असं० देवित्थियाओ संखि० तिरिक्खजोणियणपुंसका अनंतगुणा, एतेसिं णं भंते! तिरिक्खजोणित्थीणं जलयरीणं थलयरीणं खहयरीणं तिरिक्खजोणियपुरिसाणं जलयराणं थलयराणं खहयराणं तिरिक्खजोणियणपुंसकाणं एगिंदियतिरिक्खजोणियणपुंसकाणं पुढविकाइयए गिंदियतिरिक्खजोणियणपुंसकाणं जाव वणस्सतिकाइय० बेइंदिय० तेइंदिय० चउरिंदिय० पंचेंदियतिरिक्खजोणियणपुसकाणं जलयराणं थलयराणं खहयराणं कतरे ०?, गो० ! सव्वत्थोवा खहयर तिरिक्खजोणियपुरिसा खहयर तिरिक्खजोणित्थियाओ संखेज्ज० थलयरपंचिदियतिरिक्खजोणियपु० संखे० थलयरित्थियाओ संखे० जलयर तिरिक्खपुरिसा संखि० जलयर तिरिक्खजोणिइत्थीयाओ संखेज्जगु० खहयरपंचिंदियतिरिक्खजो० णपुंसका असंखे० थलयरपंचिंदियतिरिक्ख० ॥ श्री जीवाजीवाभिगम् ॥
पू. सागरजी म. संशोधित
३६
For Private And Personal
