________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
से किं तं सव्वजीवाभिगमे ?, सव्वजीवेसु णं इमाओ णव पडिवत्तीओ एवमाहिज्जंति, एगे एवमाहंसु दुविहा सव्वजीवा पं० जाव दसविहा सव्वजीवा पं०, तत्थ णं जे ते एवमाहंसु दुविहा सव्वजीवा पं० ते एवमाहंसु, नं० - सिद्धा चेव असिद्धा चेव. सिद्धे णं भंते ! सिद्धेति कालतो केवचिरं होति ? गो० ! साती अपज्जवसिए असिद्धे णं भंते ! असिद्धेति० ?, गो० ! असिद्धा दुविहा पं० तं० - अणाइए वा अपज्जवसिए अणातीए वा सपज्जवसिए. सिद्धस्स णं भंते ! केवतियं कालं अंतरं होति ? गो० ! सातियस्स अपज्जवसियस्स णत्थि अंतरं, असिद्धस्स णं भंते ! केवइयं अंतरं होइ ?, गो० ! अणातियस्स अपज्जवसियस्स णत्थि अंतरं अणातियस्स सपज्जवसियस्सवि णत्थि अंतरं, एएसिं णं भंते ! सिद्धाणं असिद्धाण य कयरे० ?, गो० ! सव्वत्थोवा सिद्धा असिद्धा अनंतगुणा ॥ २४५ ॥ अहवा दुविहा सव्वजीवा पं० तं०-सइंदिया चेव अणिंदिया चेव. सईदिए णं भंते ! कालतो केवचिरं होइ ?, गो० ! सइंदिए दुविहे पं० नं० - अणातीए वा अपज्जवसिए अणाइए वा सपज्जवसिए, अणिदिए सातीए वा अपज्जवसिए. दोण्हवि अंतरं नत्थि सव्वत्थोवा अणिंदिया सइंदिया अनंतगुणा, अहवा दुविहा सव्वजीवा पं० तं०-सकाइया चेव अकाइया चेव. एवं चेव. एवं संजोगी चेव अजोगी चेव. तहेव संचिद्वणं अंतरं अप्पाबहुयं जहा सइन्दियाणं, अहवा दुविहा सव्वजीवा पं० तं०सवेदगा चेव अवेदगा चेव, सवेदए णं भंते ! सवे०?, गो० ! सवेयए तिविहे पं० नं० - अणादीए वा अपज्जवसिए अणादिए वा सपज्जवसिए साइए वा सपज्जवसिए, तत्थ णं जे से साइए सपज्जवसिए से जह० अंतोमु० उक्को० अणतं कालं जाव खेत्तओ ॥ श्री जीवाजीवाभिगम् ॥
२३६
पू. सागरजी म. संशोधित
For Private And Personal
