________________
Shri Mahavir Jain Aradhana Kendra
www.kobatirth.org
Acharya Shri Kailashsagarsur Gyanmandir
वा हायति ॥, से केणटेणं भंते! एवं वुच्चइ लवणे णं समुद्दे तीसाए मुहुत्ताणं दुक्खुत्तो अइरेगं २ वड्ढइ वा हायइ वा?, गो०!| उड्ढमतेसु मायालेसु वड्ढइ आपूरितेसु पायालेसु हायइ, से तेणटेणं गो०! लवणे णं समुद्दे तीसाए मुहुत्ताणं दुक्खुत्तो अइरेगं २ वड्ढइ वा हायइ वा ११५८ लवणसिहा णं भंते! केवतियं चक्कवालविक्खंभेणं केवतियं अरेगं २ वड्ढति वा हायति वा?, गो०! लवणसीहाए णं दस जोयणसहस्साई चक्कवालविक्खंभेणं देसूणं अद्धजोयणं अतिरेगं वड्ढति वा हायति वा, लवणस्स णं भंते! समुदस्स कति णागसाहस्सीओ अभितरियं वेलं धारंति कइ नागसाहस्सीओ बाहिरियं वेलं धारंति कइ नागसाहस्सीओ अग्गोदयं धरें ति?, गो०! लवणसमुद्दस्स बायालीसं णागसाहस्सीओ अभितरियं वेलं धारेंति बावत्तरि णागसाहस्सीओ बाहिरियं वेलं धारेंति सटुिं णागसाहस्सीओ अग्गोदयं धारेंति, एवामेव सपुव्वावरेणं एगा गागसतसाहस्सी चोवत्तरि च णागसहस्सा भवंतीतिमक्खाया।१५९। कति णं भंते! वेलंधरा णागराया पं०?, गो०! चत्तारि वेलंधरा णागराया पं० ०-गोथूभे सिवए संखे मणोसिलए, एतेसिं णं भंते! चउण्हं वेलंधरणागरायाणं कति आवासपव्वता पं०?, गो०! चत्तारि आवासपव्वता पं० तं०-गोथूभे उद्गभासे संखे दगसीमाए, कहिं णं भंते! गोथूभस्स वेलंधरणागरायस्स गोथूभे णामं आवासपव्वते पं०?, गो०! जंबुद्दीवे दीवे मंदरस्स पुरस्टिमेणं लवणं समुदं बायालीसं जोयणसहस्साई ओगाहित्ता एत्यु णं गोथूभस्स वेलंधरणागरायस्स गोथूभे णाम आवासपव्वते ५० सत्तरसएकवीसाई जोयणसताई उड्ढउच्चत्तेणं चत्तारि तीसे जोयणसते कोसं च उव्वेधेणं मूले दस बावीसे ॥ श्री जीवाजीवाभिगम् ॥
पू. सागरजी म. संशोधित
For Private And Personal
