________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
णं भवणस्स उत्तरेणं उत्तरपच्चत्थिमस्स पासायवडेंसगस्स दाहिणेणं एत्थ णं एगे महं कूडे पं० तं चैव पमाणं सिद्धायतणं च जंबूए उत्तरस्स भवणस्स पच्चत्थिमेणं उत्तरपच्चत्थिमस्स पासायवडेंगस्स पुरत्थिमेणं एत्थ णं एगे कूडे पं० तं चेव, जंबूए उत्तर० भवणस्स पुरत्थिमेणं उत्तरपुरथिमिल्लस्स पासायवडेंसगस्स पच्चत्थिमेणं एत्थ णं एगे महं कूडे पं० तं चेव पमाणं तहेव सिद्धायतणं, जंबू णं सुदंसणा अण्णेहिं बहूहिं तिलएहिं लउएहिं जाव रायरुक्खेहिं हिंगुरुक्खेहिं जाव सव्वतो समंता संपरिक्खित्ता, जंबू ते णं सुदंसणाए उवरिं बहवे अट्ठट्ठमंगलगा पं० तं०-सोत्थियसिरिवच्छ० किण्हा चामरज्झया जाव छत्तातिच्छत्ता, जंबूए णं सुदंसणाए दुवालस णामधेज्जा पं० तं०- सुदंसणा अमोहा य, सुष्पबुद्धा जसोधरा । विदेहजंबू सोमणसा, णियया णिच्चमंडिया ॥२७॥ सुभद्दा य विसाला य, सुजाय़ा सुमणीतिया । सुदंसणाए जंबूए, नामधेज्जा दुवालस ॥ २८ ॥ से केणट्टेणं भंते! एवं वुच्चइ जंबू सुदंसणा २१, गो० ! जंबू ते ण सुदंसणाते जंबूदीवाहिवती अणाढिते णामं देवे महिड्ढीए जाव पलिओवमद्वितीय परिवसति, से णं तत्थ चउण्हं सामाणियसाहस्सीणं जाव जंबूदीवस्स जंबूए सुदंसणाए अणाढियाते य रायधाणीए जाव विहरति, कहिं णं भंते! अणाढियस्स जाव समत्ता वत्तव्वया रायधाणीए महिड्ढीए, अदुत्तरं च णं गो० ! जंबुदीवे दीवे तत्थ २ देसे २ तहिं २ बहवे जंबुरुक्खा जंबूवणा जंबुवणसंडा णिच्चं कुसुमिया जाव सिरीए अतीव उवसोभेमाणा २ चिठ्ठति, से तेणद्वेणं गो० ! एवं वुच्चइ जंबुद्दीवे दीवे २, अदुत्तरं च णं गो० ! जंबुद्दीवस्स सासते णामधेज्जे पं०, जन्न कयावि णासी जाव णिच्चे (१५३ । जंबुद्दीवे णं भंते! दीवे कति चंदा पभासिंसु ॥ श्री जीवाजीवाभिगम् ॥
पू. सागरजी म. संशोधित
१५८
For Private And Personal
