________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| जिणुस्सेहपमाणमेत्ताणं संनिक्खित्तं चिट्ठति सभाए य सुधम्माए माणवए चेतियखंभे वइराभएसु गोळवट्टसमुग्गतेसु बहूओ|| जिसकहाओ सन्निक्खित्ताओ चिट्ठति जाओ णं देवाणुप्पियाणं अन्नेसिं च बहूणं विजयरायहाणिवत्थव्वाणं देवाण य देवीण य अच्चणिज्जाओ वंदणिजाओ पूयणिज्जाओ सकारणिज्जाओ सम्माणणिज्जाओ कल्लाणं मंगलं देवयं चेतियं पज्जुवासणिज्जाओ एतण्णं देवाणुप्पियाणं पुट्विपि सेयं एतण्णं देवाणुप्पियाणं पच्छावि सेयं एतण्णं देवा० पुद्दि करणिजं एतं० पच्छ। करणिज एतण्णं देवा० पुब्दि वा पच्छा वा जाव आणुगामियत्ताते भविस्सतीतिकटु महता २ जय( जय )सदं पउंजंति, तए णं से विजए देवे तेसिं सामाणियपरिसोववण्णगाणं देवाणं अंतिए एयमढे सोच्चा णिसम्म हट्टतुजावहियते देवसयणिज्जाओ अब्भुटेइ त्ता दिव्वं देवदूसजुयलं परिहेइ त्ता देवसवणिजाओ पच्चोरुहइ त्ता उपपातसभाओ पुरस्थिमेणं बारेणं णिग्गच्छइ त्ता जेणेव हरते तेणेव उवागच्छति त्ता हरयं अणुपदाहिणं करेमाणे २ पुरथिमेणं तोरणेणं अणुप्पविसतित्ता पुरथिमिल्लेणं तिसोवाणपडिरूवएणं पच्चोरुहति त्ता हरयं ओगाहति त्ता जलावगाहणं करेति त्ता जलमजणं करेति जलकिड्डं करेति आयंते चोक्खे परमसूतिभूते हरतातो पच्चुत्तरति त्ता जेणामेव अभिसेयसभा तेणामेव उवागच्छति त्ता अभिसेयसभं पदाहिणं करेभाणे पुरथिमिल्लेणं बारेणं अणुपविसति त्ता जेणेव सए सीहासणे तेणेव उवागच्छति त्तासीहासणवरगते पुरच्छाभिमुहे सण्णिसण्णे, ततेणं तस्स विजयस्स देवस्स सामाणियपरिसोववण्णगा देवा आभिओगिते देवे सद्दावेंति त्ता एवं व०-खिय्यामेव भो देवाणुप्पिया ! विजयस्स देवस्स महत्थं महग्धं महरिहं विपुलं इंदाभिसेयं ॥श्री जीवाजीवाभिगम् ॥
पू. सागरजी म. संशोधित
For Private And Personal
