________________
Shri Mahavir Jain Aradhana Kendra
www.kobatirth.org
जंबूणयमयाइं गत्ताई वइरामया संधी णाणामणिमते वेच्चे रययामता तूली लोहियक्खमया बिब्बोयणा तवणिजमती गंडोवहाणिया, से णं देवसयणिज्जे उभओबिब्बोयणे दुहओउण्णए मज्झेयणगंभीरे सालिंगणवट्टिये गंगापुलिणवालुउद्दालसालिसये ओतवितक्खोमदुगुलपट्टपडिच्छायणे सुविरचितरयत्नाणेरतं सुयसमवुते सुरम्मे आइणगुरुत बुरणवणीयतुलफासमउए पासाईए०, तस्स णं देवसयणिज्जस्स उत्तरपुर० एत्था णं महई एगा मणिपीठिया पं० जोयणमेगं आयामविक्खंभेणं अद्धजोयणं बाहल्लेणं सव्वमणिमई जाव अच्छा, तीसे णं मणिपीढियाए उम्पिं एगे महं खुड्डए महिंदज्झए पं० अद्धट्टमाई जोयणाई उड्ढउच्चत्तेणं अद्धकोसं उव्वेधेणं | अद्धकोसं विक्खंभेणं विरुलियामयवट्टलसंठिते तहेव जाव मंगलगा झ्या छत्तातिच्छत्ता, तस्स णं खुड्डमहिंदज्झयस्स पच्चत्थिमेणं एत्थं णं विजयस्स देवस्स चुप्पालए नाम पहरणकोसे पं०, तत्थ णं विजयस्स देवस्स फलिहरयणपामोक्खा बहवे पहरणरयणा संनिक्खित्ता चिठ्ठति उज्जलसुणिसियसुतिक्खधारा पासाईया०, तीसे णं सभाए सुहम्माए उप्पिं बहवे अट्टमंगलगा झया छत्तातिच्छत्ता (१३९। सभाए णं सुधम्माए उत्तरपुरच्छिमेणं एत्थ णं एगे महं सिद्धायतणे पं० अद्धतेरस जोयणाई आयामेणं छजोयणाइं सकोसाई विक्खंभेणं नव जोयणाई उड्ढउच्चतेणं जाव गोमाणसियावत्तव्वया जा चेव सहाए सुहम्माए वत्तव्वया सा चेव निरवसेसा भाणियव्वा तहेव दारा मुहमंडवा पेच्छाघरमंडवा झया थूभा चेइयरुक्खा महिंदझया गंदाओ पुक्खरिणीओ, तओ य सुधम्माए जहा पमाणं, मणगुलिया गोमाणसीया धूवघडियाओ तहेव भूमिभागे उल्लोए य जाव मणिफासे, तस्स णं सिद्धायतणस्स ॥ श्री जीवाजीवाभिगम् ॥ पू. सागरजी म. संशोधित
१२७
Acharya Shri Kailashsagarsuri Gyanmandir
For Private And Personal
