________________
Shri Mahavir Jain Aradhana Kenda
www.kobatirnorg
Acharya Shri Kailashsagarsun Gyanmandir
पल्लवसोभंतवरंकुरग्गसिहरा विचित्तमणिरयणसुरभिकुसुमफलभरणमियसाला सच्छाया सप्पभा समरीया सउज्जोया अमयरससमरसफला अधियं णयणमणणिव्युतिकर। पासातीया दरिसणिज्जा अभिरूवा पडिरूवा, ते णं चेइयरुक्खा अन्नेहिं बहूहिं तिलयलवयच्छत्तोवगसिरीससत्तवनदहिवनलोद्धधवचंदणनीवकुंडयकयंबपणसतालतमालपियालपियंगुपारावयायहक्खनंदिरुक्खेहि सव्वओ समंता संपरिक्खित्ता, ते णं तिलया जाव नंदिरुक्खा मूलमंतो कन्दमंतो जाव सुरम्मा, ते णं तिलया जाव नंदिरुक्खा अन्नेहिं बहुहिं पउमलयाहिं जाव सामलयाहिं सव्वतो समंता संपरिक्खित्ता, ताओ णं पउमलयाओ जाव साभलयाओ निच्चं कुसुमियाओ जाव पडिरूवाओ, तेसिं णं चेतियरुक्खाणं उप्पिं बहवे अट्ठमंगलगा झया छत्तातिच्छत्ता, तेसिं णं चेइयरुक्खाणं पुरतो तिदिसिं तओ मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वमणिमतीओ अच्छाओ जाव पडिरूवाओ, तासिं णं मणिपेढियाणं उप्पिं पत्तेयं २ महिंदझ्या अट्ठमाइं जोयणाई उड्ढउच्चत्तेणं अद्धकोसं उव्हेणं अद्धकोसं विक्खंभेणं वइरामयवट्टलट्ठसंठियसुसिलिट्ठपरिघट्टमट्ठसुपतिहिता विसिट्टा अणेगवरपंचवण्णकुडभीसहस्सापरिमंडियाभिरामा वाउद्धयविजयवेजयंतीपडागा छत्तातिच्छत्तकलिया तुंगा गगणतलमभिलंघमाणसिहरा पासादिया जाव पडिरूवा, तेसिंणं महिंदज्झ्याणं उप्पिं अट्ठमंगलगा झया छत्तातिच्छता, तेसिंणं महिदझ्याणं पुरतो तिदिसिं तओ णंदाओ पुक्खरिणीओ पं०, ताओ णं पुक्खरिणीओ अद्धतेरसजोयणाई आयामेणं सक्कोसाइं छजोयणाई विक्खंभेणं दसजोयणाई उव्वेहेणं ॥ श्री जीवाजीवाभिगम् ॥
पू. सागरजी म. संशोधित
| १२४
For Private And Personal
