________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
चंदणघडसुक्यतोरणपडिदुवारदेसभागा आसत्तोसत्तविउलवट्टवग्धारियमल्लदामकलावा पंचवण्णसरससुरभिमुक्कयुफपुंजोक्यारकलिता कालागुरुपवरकुंदुरुक्कतुरुक्कधुवमधमधेतगंधुद्धयाभिरामा सुगंधवगंधिया गंधवट्टिभूया अच्छरगणसंघसंविकिना दिव्वतुडियमधुरसहसंपणाझ्या सुरम्मा सव्वरयणामती अच्छ। जाव पडिरूवा, तीसे णं सुहम्माए सभाए तिदिसिं तओ दारा पं०, ते णं दारापत्तेयं २ दो-दो जोयणाई उड्डे उच्चत्तेणं एगं जोयणं विक्खंभेणं तावइयं चेव पवेसेणं सेया वरणगथुभियागा जाववणमालादारवन्नओ ते सिं णं दाराणं पुरओ मुहमंडवा पं० ते णं मुहमंडवा अद्धतेरसजोयणाई आयामेणं छजोयणाई सक्कोसाई विक्खंभेणं साइरेगाई दो जोयणाई उड्ढंउच्चत्तेणं, ते णं मुहमंडवा अणेगखंभसयसंनिविट्ठा जाव उल्लोया भूमिभागवण्णओ, तेसिं णं मुहमंडवाणं उवरि पत्तेयं २ अट्ठमंगलगा पं० सोत्थियजावमच्छ०, तेसिं णं मुहमंडवाणं पुरओ पत्तेयं २ पेच्छाघरमंडवा पं०, ते पां. पेच्छाघरमंडवा अद्धतेरसजोयणाई आयामेणं जाव दो जोयणाई उड्ढंउच्चत्तेणं जाव मणिफासो, तेसिं णं बहुमझदेसभाए पत्तेयं २ वइरामयअक्खाडगा पं0, तेसिं णं वइरामयाणं अक्खाडगाणं वहुमझदेसभाए पत्तेयं २ मणिपीढिया पं0, ताओ णं मणिपीढियाओ जोयममेगं आयामविक्खंभेणं अद्धजोयणं बाहल्लेणं सव्वमणिमईओ अच्छाओ जाव पडिरूवाओ, तासिं णं मणिपेढियाणं उप्पिं पत्तेयं २ सीहासणा सीहासणवण्णओ जाव दामा परिवारो, तेसिं णं पेच्छाघरमंडवाणं उप्पिं अट्ठमंगलगा झया छत्तातिच्छत्ता, तेसिंणं पेच्छाघरमंडवाणं पुरतो तिदिसिं तओ मणिपेढियाओ पं0, ताओ णं मणिपेढियाओ दो जोयणाई आयामविक्खंभेणं जोयणं ॥श्री जीवाजीवाभिगम् ॥
[ १२२
पू. सागरजी म. संशोधित
For Private And Personal
