________________
Shri Mahavir Jain Arachana Kendra
www.kobatiram.org
Acharya Shri Kailashsagarsur Gyanmandir
आयामविक्खंभेणं अब्भुग्गयमूसितपहसिताविव विविहमणिरयणभत्तिचित्ता वाउद्धयविजयवेजयंतीपडागच्छत्तातिच्छत्तकलिया|| तुंगा गगणतलमभिलंघमाणसिहरा जालंतररयणपंजरुम्मिलितव्वमणिकणगथूभियागा वियसियसयवत्तपोंडरीयतिलकरयणद्धचंदचित्ता णाणामणिमयदामालंकिया अंतो बाहिं च सहा० तवणिज्जरुइलवालुयापत्थडगा सुहफासा सस्सिरीयरूवा पासातीया०, तेसिं णं पासायवडेंसगाणं उल्लोया एउमलताजावसामलयाभत्तिचित्ता सव्वतवणिजमता अच्छ। जाव पडिरूवा, तेसिं णं पासायवडिंसगाणं पत्तेयं २ अंतो बहु समरमणिजे भूमिभागे पं०, से जहाणामए आलिंगपुक्खरेति वा जाव भणीहिं उत्सोभिए, मणीणं गंधो वण्णो फासो य नेयव्वो, तेसिं णं बहुसभरमणिजाणं भूमिभागाणं बहुमझदेसभाए पत्तेयं २ मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वरयणामईओ जाव पडिरूवाओ, तासिं णं मणिपेढियाणं उवरि पत्तेयं २ सीहासणे पं०, तेसिं णं सीहासणाणं अयमेयारूवे वण्णावासे पं० २०-तवणिजमया चक्कला रयतामया सीहा सोवणिया पादा णाणामणिमयाइं पायवीढगाई जंबूणयमताई गत्ताई वतिरामया संधी नाणामणिमए वेच्छ, ते णं सीहासणा इहामियउसमजावपउमलयभत्तिचित्ता ससारसारोवइयविविहमणिरयणपायपीढा अच्छरगभिउमसूरगनवतयकुसंतलिच्च सीहकेसरपच्चत्थुताभिरामा उवचियखोमदुगुल्लपट्टपडिच्छायणा सुविरचितस्यत्ताणा रत्तंसुयसंवुया सुरम्मा आइणगरुयबूरणवनीततूलमउयफासा पासाईया०, तेसिं णं सीहासणाणं उप्पिं पत्तेयं २ विज्यदूसे पं०, ते णं विजयदूसा सेता संखकुंददगरयअभतमहियफेणपुंजसन्निकासा ||॥ श्री जीवाजीवाभिगम् ॥
पू. सागरजी म. संशोधित
For Private And Personal
