________________
Shri Mahavir Jain Aradhana Kendra
www.kobatirth.org
Acharya Shri Kalashsagarsuri Gyanmandir
पडिरूवा, तेसु णं उपायपव्वतेसु जाव पक्खंदोलएसु बहवे हंसासणाई कोंचासणाई गरुलासणाई उण्णयासणाई पणयासणाई| दीहासणाई भासणाई पक्खासणाई मगरासणाई उसभासणाई सीहासणाई पउमासणाई दिसासोवस्थियासणाई सव्वरयणाभ्याई अच्छाई सण्हाई लण्हाई घटाई मट्ठाई णीरयाई णिम्मलाई निष्पंकाई निकंकडच्छायाई सप्पभाई सभीयाई सउज्जोयाई पासादीयाई दरिसणिज्जाइं अभिरूवाई पडिरूवाई, तस्स णं वणसंडस्स तत्थ २ देसे २ तहिं २ बहवे आलिघरा मालिघरा कयलिधरा लयाघरा अच्छणधरा पेच्छणघा मजणघरगा पसाहणघरगा गब्भघरगा मोहणधरगा सालघगा जालघरगा कुसुमधरा चित्तघगा गंधव्वधरा आयंसघरगा सव्वरयणामया अच्छा सण्हा लण्हा घट्टा मट्ठा णीरया णिभ्मला णिपंका निकंकडच्छाया सप्पभा समरीया सउज्जीया ||पासाईया दरिसणिज्जा अभिरूवा पडिरूवा, तेसु णं आलिघरएसु जाव आयंसघरएसु बहूई हंसासणाई जाव दिसासोवत्थ्यिासणाई | सव्वरयणामयाइं जाव पडिरूवाई, तस्स णं वणसंडस्स तत्थ २ देसे २ तहिं २ बहवे जाइमंडवगा जूहियामंडवगा मल्लियामंडवगा णवमालियामंडवगा वासंतीमंडवगा दधिवासुयामंडवगा सूरिल्लिमंडवगा तंबोलीमंडवगा मुद्दियामंडवगाणागलयामंडवगा अतिमुत्तमंडवगा अफोतामंडवगा मालुयामंडवगा सामलयामंडवगा णिच्चं कुसुमिया णिच्चं जाव पडिरूवा, तेसु णं जातीमंडवएसु बहवे पुढवीसिलापट्टगा पं० २० हंसासणसंठिता कोंचासणसंठिता गरुलासणसंठिता उण्णयासणसंठिता पणयासणसंठिता दीहासणसंठिता भद्दासणसंठिता पक्खासणसंठिता भगरासणसंठिता उसभासणसंठिता सीहासणसंठिता पउमासणसंठिता दिसासोत्थियासणसंठिता ॥ श्री जीवाजीवाभिगम् ॥
पू. सागरजी म. संशोधित
For Private And Personal
