________________
Shri Mahavir Jain Aradhana Kendra
www.kobatirth.org
Acharya Shri Kalashsagarseri Gyanmandir
सुवण्णपयरगभंडिया णाणामणिरयणविविहहारद्धहारउवसोभितसमुदया ईसिं अण्णमण्णमसंपत्ता पुव्वावरदाहिणउत्तरागतेहिं वाएहि मंदागं २ एजमाणा २ कंपिज्जमाणा २ लंबमाणा पझंझमाणा सदायमाणा तेणं ओरालेणं मणुण्णेणं कण्णभणणेव्युतिकरणं सद्देणं सव्वतो समंता आपूरेभाणा सिरीए अतीव उवसोभेमाणा २ चिटुंति, तीसे णं पउमवरवेइयाए तत्थ २ देसे तहिं २ बहवे हयसंघाडा गयसंघाडा नरसंघाडा किण्णरसंघाडा किंपुरिससंघाडा महोरंगसंघाडा गंधव्वसंधाडा वसहसंघाडा सव्वरयणामया अच्छा सहा लण्हा घट्टा मट्ठा णीरया णिम्मला णिप्पंका णिकंकडच्छाया सप्पमा समरिया सउज्जोया पासाईया दरसणिज्जा अभिरूवा पडिरूवा, तीसे णं पउभवरवेइयाए तत्थ २ देसे तहिं २ बहवे हयपंतीओ तहेव जाव पडिरूवाओ, एवं हयवीहीओ जाव पडिरूवाओ, एवं हयमिहुणाई जाव पडिरूवाई, तीसे णं पउमवरवेझ्याए तत्थ २ देसे तहिं २ बहवे पउमलयाओ नागलताओ एवं असोग० चंपग० चूयवण० वासंति० अतिमुत्तग० कुंद० सामलयाओ णिच्चं कुसुमियाओ जाव सुविहत्तपिंडमंजरिवडिंसकधरीओ सव्वरयणामईओ सहाओ लण्हाओ घट्ठाओ मट्ठाओ णीरयाओ णिम्भलाओ णिप्पंकाओ णिकंकडच्छायाओ सयभाओ समरीयाओ सउज्जोयाओ पासाईयाओ दरिसणिज्जाओ अभिरूवाओ पडिरूवाओ, तीसे णं पउमवरवेइयाए तत्थ २ देसे तहिं २ बहवे अक्खयसोत्थिया पं० सव्वरयणामया अच्छा, से केणटेणं भंते! एवं वुच्चइ एउमवरवेइया २?. गो०! एउमवरवेइयाए तत्थ २ देसे तहिं २ वेदियासु वेतियाबाहासु वेदियासीसफलएसु वेदियापुडंतरेसु खंभेसु खंभबाहासु खंभसीसेसु खंभपुडंतरेसु सूइसु सुइमुहेसु सुइफलएसु सूइपुडंटेसु पक्खेसु ॥श्री जीवाजीवाभिगम् ॥
| ९८
पू. सागरजी म. संशोधित
For Private And Personal
