________________
Shri Mahavir Jain Archana Kendra
www.kobatirth.org
Acharya Shri Kalashsagarsur Gyanmandir
भवंतीतिमक्खायं, ते णं विभाणा अद्धकविट्ठकसंठाणसंठिया एवं जहा ठाणपदे जाव चंदिमसूरिया य तत्थ जोतिसिंदा जोतिसरायाणो|| परिवसति महिड्ढिया जाव विहरंति, सूरस्स णं भंते! जोतिसिंदस्स जोतिसरण्णो कति परिसाओ पं०? गो०! तिणि परिसाओ पं० २०-तुंबा तुडिया पेच्चा, अभितरया तुंबा मझिमिया तुडिया बाहिरिया पेच्चा, सेसं जहा कालस्स, परिमाणं ठितीवि, अट्ठो जहा चमरस्स, चंदस्सवि एवं चेव । १२३ । कहिं णं भंते! दीवसमुद्दा ? केवइया णं भंते ! दीवसमुदा? केमहालया णं भंते! दीवसमुद्दा? किंसंठिया णं भंते! दीवसमुद्दा? किमाकारभावपडोयारा णं भंते! दीवसमुद्दा पं०?, गो०! जंबुद्दीवाइया दीवालवणादीया समुद्दा संठाणतो एकविहविधाणा वित्थारतो अणेगविधविधाणा दुगुणादुगुणे पडुप्पाएमाणा २ पवित्थरमाणा २ ओभासमाणवीचीया बहुउप्पलपउमकुमुदणलिणसुभगसोगंधियपोंडरीयमहापोंडरीयसत पत्तसहस्सपत्तफुल्लकेसरोवचिता पत्तेयं २ पउभवरवेइयापरिक्खित्ता पत्तेयं २ वणसंडपरिक्खित्ता अस्सि तिरितलोए असंखेजा दीवसमुद्दा सयंभूरभणपज्जवसाणा पं० समणाउसो! १२४। तत्थ णं अयं जंबुद्दीवे णामं दीवे दीवसमुद्दाणं अभितरिए सव्वखुड्डाए वढे तेल्लापूयसंठाणसंठिते वट्टे रहचकवालसंठाणसंठिते वट्टे पुक्खरकण्णियासंठाणसंठिते वट्टे पडिपुत्रचंदसंठाणसंठिते एक्कं जोयणसयसहस्सं आयामविक्खंभेणं तिणि जोयणसयसहस्साई सोलस सहस्साई दोण्णि य सत्तावीसे जोयणसते तिण्णिय कोसे अट्ठावीसंच धणुसयं तेरस अंगुलाई अद्धंगुलकं च किंचिविसेसाहियं परिक्खेवेणं पं०, से णं एक्काए जगतीए सव्वतो समंता संपरिक्खित्ते, सा णं जगती अट्ट जोयणाई उड्ढउच्चत्तेणं मूले बारस ॥श्री जीवाजीवाभिगम् ॥
पू. सागरजी म. संशोधित
For Private And Personal
