________________
Shri Mahavir Jain Aradhana Kendra
Acharya Shri Kalashsagarsuri Gyanmandir
||डंभणाए नवि रक्खणाते नवि सासणाते नवि दंभणरक्खणसासणाते भिक्खं गवेसियव्वं नवि वंदणाते नवि माणणाते नवि पूयणाए नवि वंदणमाणणपूयणाते भिक्खं गवेसियव्वं नवि हीलणाते नवि निंदणाते नवि गरहणाते नवि हीलणनिंदणगरहणाते भिक्खं गवेसियव्वं नवि भेसणाते नवि तज्जणाते नवि तालणाते नवि भेसणतज्जणतालणाते भिक्खं गवेसियव्वं नवि गारवेणं नवि कुह (प्र. प्प)- णयाते नवि वणीमयाते नवि गारवकुह (प्र० प्प ) वणीमयाए भिक्खं गवेसियव्वं नवि मित्तयाए नवि पत्थणाए नवि सेवणाए नवि मित्तपत्थणसेवणाते भिक्खं गवेसियव्वं अन्नाए अगढिए अदुट्ठे अदीणे अविमणे अकलुणे अविसाती अपरितंतजोगी जयणघडणकरणचरियविणयगुणजोगसंपत्ते भिक्खू भिक्खेसणाते निरते, इमं च णं सव्वजीवरक्खणदयद्वाते पावयणं भगवया सुकहियं अत्तहियं पेच्चाभावियं आगमेसिभदं सुद्धं नेयाज्यं अकुडिलं अणुत्तरं सव्वदुक्खपावाण विश्वसमणं । २२ । तस्स इमा पंच भावणातो पढमस्स व्यस्स होंति पाणातिवायवेरमणपरिरक्खणट्टयाए पढमं ठाणगमणगुणजोगजुंजणजुगंतर निवातियाए दिट्ठीए ईरियव्वं कीडपयंगतस्थावरदयावरेण निच्चं पुफ्फलत्यपवालकंदमूलदगमट्टियबीजहरियपरिवज्जिएण संमं, एवं खलु सव्वपाणा न हीलियव्वा न निंदियव्वा न गरहियव्वा हिंसियव्वा न छिंदियव्वा न भिंदियव्वा न वहेयव्वा न भयं दुक्खं च किंचि लब्भा पावेउं एवं ईरियासमितिजोगेण भावितो भवति अंतरम्प्पा असबलमसंकिलिट्ठनिव्वणचरित भावणाए अहिंसए संजए सुसाहू, बितीयं च मणेण अपावएणं, पावकं अहम्मियं दारुणं निस्संस वहबंधपरिकिलेसबहुलं जरा (भय पा० ) मरणपरिकिलेससंकिलिडं न कयावि
॥ श्री प्रश्नव्याकरणदशाङ्गम् ॥
पू. सागरजी म. संशोधित
www.kobatirth.org
४३
For Private And Personal
