________________
Shri Mahavir Jain Aradhana Kendra
www.kobatirth.org
Acharya Shri Kailashsagarsur Gyanrandir
ठिती पुट्ठी नंदा भद्दा विसुद्धी लद्धी विसिदिट्ठी कल्लाणं मंगलं ३० पमोओ विभूती रक्खा सिद्धावासो अणासवो केवलीण ठाणं || सिवं समिई सीलं संजमो ४० त्तिय सीलपरिधी संवरो य गुत्ती ववसाओ उस्सओ जनो आयतणं जतणमप्यमातो आसासो ५० वीसासो अभओ सव्वस्सवि अमाघाओ चोक्ख पवित्ती सूती पूया विमल पभासा य निम्मलतर ६० ति एवमादीणि निययगुणनिम्मियाई पज्जवनामाणि होति अहिंसाए भगवतीए १२१। एसा सा भगवती अहिंसा जा सा भीयाणविव सरणं पक्खीणंपिव गमणं तिसियाणंपिव सलिलं खुहियाणंपिव असणं समुद्दमझेव पोतवहणं चप्पयाणंव आसमपयं दुहट्ठियाणं (प्र० दुहदुहियाणं) व ओसहिबलंअडवीमन् सत्थगमणं एत्तो विसिट्टतरिका अहिंसा जा सा पुढवीजलअगणिमारुयवणस्सइबीजहरितजलचरथलचरखहचतसथावरसव्वभूयखेमकरी, एसा भगवती अहिंसा जा सा अपरिमियनाणदंसणधरेहिं सीलगुणविणयतवसंयमनायकेहिं तित्थंकरहिं सव्वजगजीववच्छलेहिं तिलोगमहिएहिं जिणचंदेहिं सुठु दिट्ठा (उवलद्धा) ओहिजिणेहिं विण्णाया उज्जुमतीहिं विदिट्ठा विपुलमतीहिं विविदिता पुव्वधरेहिं अधीता वेउव्वीहिं पतित्रा आभिणिबोहियनाणीहिं सुयनाणीहिं मणपज्जवनाणीहिं केवलनाणीहिं आमोसहिपत्तेहिं खेलोसहिपत्तेहिं जल्लोसहिपत्तेहिं वियोसहिपत्तेहिं सव्वोसहिपत्तेहिं बीजबुद्धीहिं कुतुबुद्धीहिं पदाणुसारीहिं संभिन्नसोतेहिं सुयधरेहिं मणबलिएहिं वयबलिएहिं कायबलिएहिं नाणबलिएहिं देसणबलिएहिं चरित्तबलिएहिं खीरासवेहिं मधुआसवेहिं सप्पियासवेहिं अक्खीणमहाणसिएहिं चारणेहिं विज्जाहरेहिं (प्र० जंधाचारणेहिं विजाचारणेहिं) श्री प्रश्रव्याकरणदशाङ्गम् ॥
पू.सागरजी म. संशोधित
For Private And Personal
