________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyarmandir
वरसुरभिगंधवरचुण्णवासवरकुसुमभरियसिरया कप्पियच्छेयायरियसुक्यरइतमालकडगं(कुंडलंपा० )गयतुडियपवरभूसणपिणद्धदेहा|| एखावलिकंठसुरइयवच्छापालंबपलंबभाणसुक्यपडउत्तरिजमुहियापिंगलंगुलिया उज्जलनेवत्थरइयचेल्लगविरायमाणातेएणदिवाकरोव्व दित्ता सारयनवत्थणियमहरगंभीरनिद्धघोसा उप्पनसमत्तरयणचक्करयणप्पहाणा नवनिहिवइणो समिद्धकोसा चाउरंता चाउराहिं सेणाहिं| समणुजातिजमाणमग्गा तुरगवती गयवती रहवती नरवती विपुलकुलवीसुयजसा सारयससिसकलसोमवयणा सूरा तेलोकनिग्गय५भावलद्धसहा समत्तभरहाहिवा नरिंदा ससेलवणकाणणं च हिमवंतसागरंतं धीरा भुत्तूणभरहवासं जियसत्तूं पवररायसीहा पुवकडतवप्पभावा निविट्ठसचियसुहा अणेगवाससयमायुवंतो भजाहि य जणवयपहाणाहिं लालियंता अतुलसहफरिसरसरूवगंधे य अणुभवेत्ता (न्ता) तेवि उवणमंति मरणधम्म अवितत्ता कामाणी भुजो भुजो बलदेववासुदेवा य पवरपुरिसा महाबलपरकमा महाधणुवियट्टका महासत्तसागरा दुद्धरा धणुद्धरा नरवसभा रामकेसवा भायरो सुपुरिसा वसुदवसमुद्दविजयमादियदसाराणं पज्जुनपतिवसंबअनिरुद्धनिसहउम्मुयसारणगयसुमुहदुम्मुदीण जायवाणं अदधुढाणवि कुमारकोडीणं हिय्यदयिया देवीए रोहणीए देवीए देवकीए य आणंदहिययभावनंदणकरा सोलसरायवरसहस्साणुजातमगा सोलसदेवीसहस्सवरणयणहिय्यदइया णाणामणिकणगरयणमोतियपवालधणधनसंचयरिद्धिसमिद्धकोसा हयगयरहसहस्ससामी गामागरनगरखेडकब्बडमडंबदोणमुहपट्टणासमसंबाहसहस्सथिमियणिव्वुयपमुदितजणविविहसासनिष्फजमाणमेइणिसरसरियतलागसेलकाणणआरामुजाण॥ श्री प्रश्रव्याकरणदशाङ्गम् ॥
पू. सागरजी म. संशोधित
For Private And Personal
