________________
Shri Mahavir Jain Aradhana Kendra
www.kobatirth.org.
Acharya Shri Kailashsagarsuri Gyanmandir
| तस्स णं तुमं पुरिसस्स किं दण्डं वत्तेज्जासि ?, भन्ते! अहं णं तं पुरिसं आओसेज्जा वा हणेज्जा वा बंधेजा वा महेज्जा वा तज्जेज्जा वा तालेजा वा निच्छोडेजा वा निब्भच्छेज्जा वा अकाले चेव जीवियाओ ववरोवेज्जा वाँ, सद्दालपुत्ता ! नो खलु तुब्भं केई पुरिसे वायाहयं वा पक्केल्लयं वा कोलाल भण्डं अवहरइ वा जाव परिद्ववेड़ वा अग्गिमित्ताए वा भारियाए सद्धिं विउलाई भोगभोगाई भुञ्जमाणे विहरइ नो वा तुमं तं पुरिसं आओसेजसि वा हणेज्जसि वा जाव अकाले चेव जीवियाओ ववरोवेज्जसि जइ नत्थि उट्ठाणेड़ वा जाव परक्कमेड वा नियया सव्वभावा, अह णं तुब्भ केई पुरिसे वायाहयं जाव परिद्ववेइ तुमं वा तं पुरिसं आओसेसि वा जाव ववरोवेसि वा तो जं वदसि व्थि उट्ठाणेइ वा जाव नियया सव्वभावा तं ते मिच्छा एत्थ णं से सद्दालपुत्ते आजीविओवासए सम्बुद्धे, तए गं से सद्दालपुत्ते | आजीविओवासए समणं भगवं महावीरं वन्दइ नमसइ ता एवं व०- इच्छामि णं भन्ते ! तुब्भं अन्तिए धम्मं निसामेत्तए, तए णं समणे भगवं महावीरे सद्दालपुत्तस्स आजीविओवासगस्स तीसे य जाव धम्मं पडिक हे ३ । ४२ । नए णं से सद्दालपुत्ते आजीविओवासए समणस्स भगवओ महावीरस्स अन्तिए धम्मं सोच्चा निसम्म हट्टतुट्ठजावहियए जहा आणन्दो तहा गिहिधम्मं पडिवज्जइ नवरं एगा हिरण्णकोडी निहाणपउत्ता एगा हिरण्णकोडी वुड्डिड्पउत्ता एका हिरण्णकोडी पवित्थरपउत्ता एगे वए दसगोसाहस्सिएणं वएणं जाव समणं भगवं महावीरं वन्दइ नमसइ त्ता जेणेव पोलासपुरे नयरे तेणेव उवागच्छइ ता पोलासपुरं नयरं मज्झमज्झेणं जेणेव सए गिहे जेणेव अग्गिमित्ता भारिया तेणेव उवागच्छइ त्ता अग्गिमित्तं भारियं एवं व०- एवं खलु देवाणुम्पिए! समणे भगवं महावीरे जाव
॥ उपासक दशांगं सूत्रं ॥
३६
पू. सागरजी म. संशोधित
For Private And Personal
