________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
ताचारगं अणुपवेसंति त्ता विजएणं तकरणं सद्धिं एगयओ हडिबंधणं करेंति,त्ते णंसा भद्दा भारिया कल्लं जाव जलते विपुलं असणं ४ उवक्खडेति त्ता भोयणपिडयं(ए पा०)क(भपा०रेति त्ता भोयणाई पक्खिवति लंछियमुद्दियं करेइत्ता एगंच सुरभिवारिपडिपुन्नं दगवारयं करेति त्ता पंथ्यं दासचेड सहावेति त्ता एवं वदासि गच्छ णं तुम देवाणुप्पिया ! इमं विपुलं असणं ४ गहाय चारगसालाए धण्णस्स सत्थवाहस्स उवणेहि, तते णं से पंथए भद्दाए सत्थवाहीए एवं वुत्ते सभाणे हद्वतुढे तं भोयणपिडयं तं च सुरभिवरवारिपडिपुत्रं दगवारयं गेहति त्ता सयाओ गिहाओ पडिनिक्खमति त्ता रायगिहे नगरे मझमझेणं जेणेव चारगसाला जेणेव धने सत्थवाहे तेणेव उवागच्छति त्ता भोयणपिडयंठावेति त्ता उल्लंछति त्ता भायणाई गेण्हति त्ता भायणाई धोवेति त्ता हत्थसोयं दलयति त्ताधण्णं सत्थवाहं तेणं विपुलेणं असण०४ परिवेसति, तते णं से विजए तक्करे धणं सत्थवाहं एवं वदासी तुमण्णं देवाणुप्पिया ! मम एयाओ विपुलातो असण०४ संविभागं करेहि,ततेणं सेधणे सत्थवाहे विजयं तकरं एवं वदासी अवियाइं अहं विजया! एयं विपुलं असणं ४ कायाणं वासुणगाणं वा दलएज्जा उक्कुरुडियाए वाणंछड्डेजा नो चेवणं तव पुत्तमारगस्स अरिस्स वेरियस्स पडिणीयस्स पच्चामित्तस्स एत्तो विपुलाओ असण० ४ संविभागं रेज्जामि, तते णं से धण्णे सत्थवाहे तं विपुलं असणं ४ आहारेति त्ता तं पंथ्यं पडिविसजेति, तते णं से पंथए दासचेडे तं भोयणपिडगं गिण्हति त्ता जामेव दिसिं पाउब्भूते तामेव दिसिं पडिगए, तते णं तस्स धण्णस्स सत्थवाहस्स तं विपुलं असणं ४ आहारियस्स समाणस्स उच्चारपासवणे णं उब्बाहित्था, तते णं से धणे सत्थवाहे विजयं तकरं एवं वदासि एहि ताव |॥ श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
