________________
Shri Mahavir Jain Arachana Kendra
www.kobatirth.org
Acharya Shn Kailashsagarsur Gyanmandir
मम्गणगवेसणं करेमितं नणज्जति णं सामी ! देवदिन्ने दारए.केणइ (प्र० णीइए वाहते वा अवहिए वा अवक्खित्ते वा पायवडिए|| धण्णस्स सत्यवाहस्स एतमढे निवेदेति, तते णं से धण्णे सत्यवाहे पंथ्यदासचेडयस्स एतमलु सोच्चा णिसम्म तेण य महया पुत्तसोएणाभिभूते समाणे परसुणियत्तेव चंपगपायवेधसति धरणीयलंसि सव्वंगेहि सन्निवइए, ततेणं से धणे सत्थवाहे ततो मुहुत्तेतरस्स आसत्थे पर कि)च्छागययाणे देवदिनस्स दारगस्स सव्वतो समंता मग्गणगवेसणं करेति देवदित्रस्स दारगस्स कथइ सुई वा खुइंवा पाउत्तिं वा अलभमाणे जेणेव सए गिहे तेणेव उवागच्छइ त्ता महत्थं पाहुडं गेण्हति त्ता जेणेव नगरगुत्तिया तेणेव उवागच्छति त्तातं महत्थं पाहुडं उवणेति त्ता एवं क्यासि एवं खलु देवाणुप्पिया ! मम पुत्ते भद्दाए भारियाए अत्तए देवदिने नाम दारए इढे जाव उंबरपुष्पंपिव दुल्लहे सवणयाए किभंग पुण पासणयाए ?, तते णं सा भद्दा देवदिन्नं हायं सव्वालंकारविभूसियं पंथगस्स हत्थे दलाति जाव पायवडिए तं मम निवेदेति, तं इच्छामि णं देवाणुप्पिया ! देवदिनदारगस्स सव्वओ समंता मगणगवेसणं काउं (प्र० कयं)।तए णं ते नगरगोत्तिया धणेणं सत्थवाहेणं एवं वुत्ता समाणा सत्रद्धवद्धवम्मियकवया उप्पीलियसरासणवट्टिया जाव गहियाउहपहरणा धण्णेणं सत्थवाहेणं सद्धिं रायगिहस्स नगरस्स बहूणि अतिगमणाणिय जाव पवासु य मग्गणगवेसणं करेमाणा रायगिहाओ नगराओ पडिनिक्खमंति त्ता जेणेव जिण्णुजाणे जेणेव भग्गकूवर तेणेव उवागच्छंति त्ता देवदिनस्स दारगस्स सरीरगं निप्पाणं निच्चेटुं जीव (प्र० जीविय प्र० जाव) विष्पजढं पासंति त्ता हा हा अहो अकजमितिकट्टु देवदिन्नं दारगं भगकूवाओ उत्तारेंति त्ता धणस्स ॥ श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
