________________
Shri Mahavir Jain Aradhana Kendra
www.kobatirth.org
Acharya Shn Kailashsagarsun Gyanmandir
वणदवजालासंपलितेसु वर्णतेसु धूमाउलासु दिसासु महावायवेगेणं संघट्टिएसु छिन्नजालेसु आवयमाणेसु पोल्लरुक्खेसु अंतो २ झियायमाणेसु मयकुहितविणिविट्ठकिमिय( मव पा०) कद्दमनदीवियरगजिण्णपाणीयंतेसु वर्णतेसु भिंगारकदीणकं दियरवेसु खरफसअणिहरिद्ववाहितवि( विध पा० )मग्गेसु दुमेसु तण्हावसमुक्तपक्खपयडियजिब्भतालुयअसंपुडिततुंडपक्खिसंघेसु ससंतेसु गिम्हउम्हउण्हवायखरफसचंडमारुयसुक्कतणपत्तक्यवरवाउलिभमंतदित्तसंभंतसावयाउलमिगतण्हाबद्धचिण्हपट्टेसु गिरिवरेसुसंवट्टिएसु तत्थमियपसवसिरीसिवेसु अवदालियवयणविवरणिलालियग्गजीहे महंततुंबइव पुनकन्ने संकुचियथोरपीवरकरे ऊसियलंगुले पीणाइयविरसरडियसद्देणं फोडयंतेव अंबरतलंपायदद्दरएणं कंप्यंतेव मेइणितलं विणिभ्मुयमाणेयसीयारं सव्वतो समंता वल्लिवियाणाई छिंदमाणे रुक्खसहस्सातिं तत्थ सुबहूणि णोल्लायंते विणढरदेव्व णखरिदे वायाइद्धेव्व पोए मंडलवाएव्व परिब्भमते अभिक्खणं २ लिंडणियरं पमुंचमाणे २ बहूहिं हत्थीहि य जाव सद्धि दिसोदिसिं विष्पलाइत्था, तत्थ्णं तुम मेहा ! जुन्ने जराजजरियदेहे आउरे झंझिए पिवासिए दुब्बले किलते नट्टसुइए मूढदिसाए सयातो जूहातो विष्पहूणे वणदवजालापारद्धे उण्हेण तण्हाए य छुहाए य परब्भाहए समाणे भीए तत्थे तसिए उविगे संजातभए सव्वतो समंता आधावमाणे परिधावमाणे एगं चणं महं सरं अयोदयं पंकबहुलं अतित्थेणं | पाणियपाए उइन्नो, तत्थ णं तुझं मेहा ! तीरमतिगते पाणियं असंपत्ते अंतरा चेव सेयंसि विसन्ने, तत्थ णं तुम मेहा ! पाणियं पाइस्सामित्तिकटु हत्थं पसारेसि, सेविय ते हत्थे उदगंन पावति, तते णं तुम मेहा! पुणरवि कायं पच्युद्धरिस्सामीतिकटु बलियत्तरायं पंकसि खुत्ते, तते | ॥श्रीज्ञाताधर्मकथाङ्गम् ॥
| ४४
For Private And Personal
