________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
फुट्टमाणेहिं मुइंगमत्थएहिं वरतरूणिसंपउत्तेहिं बत्तीसइबद्धएहिं नाडएहिं उवगिज्जमाणे २ उवलालिज्जमाणे २ सद्दफरिसरसरूवगंधविउले माणुस्सर कामभोगे पच्चणुभवमाणे विहरति । २३ । तेणं कालेणं० समणे भगवं महावीरे पुव्वाणुपुव्विं चरमाणे गामाणुगामं दूइजमाणे सुहंसुहेणं विहरमाणे जेणामेव रायगिहे नगरे गुणसिलए चेतिए जाव विहरति, तते णं रायगिहे नगरे सिंघाडग० महया बहुजणसद्देति वा जाव बहवे उग्गा भोगा जाव रायगिहस्स नगरस्स मज्झमज्झेणं एगदिसिं एगाभिमुहा निग्गच्छंति इमे य णं मेहे कुमारे उष्पिं पासातवरगते फुट्टमाणेहिं मुयंगमत्थएहिं जाव माणुस्सए कामभोगे भुजमाणे रायमग्गं च ओलोएमाणे २ एवं च णं विहरति, तए णं से मेहे कुमारे ते बहवे उग्गेभोगे जाव एगदिसाभिमुहे निग्गच्छमाणे पासति ता कंचुइज्जपुरिसं सद्दावेति ता एवं वदासी किन्नं भो देवाणुम्पिया ! अज्ज रायगिहे नगरे इंदमहेति वा खंदमहेति वा एवं रुद्दसिववे समणनागजक्ख भूयनई तलायर क्खचेतियपव्दयउज्जाणगिरिजत्ताइ वा जओ णं बहवे उग्गा भोगा जाव एगदिसिं एगाभिमुहा णिग्गच्छंति, तते गं से कंचुइज्जपुरिसे समणस्स भगवओ महावीरस्स गहियागमणपवत्तीए मेहं कुमारं एवं वदासी नो खलु देवाणुम्पिया ! अज्ज रायगिहे नयरे इंदमहेति वा जाव गिरिजत्ताओ वा जन्नं एए उग्गा जाव एगदिसिं एगाभिमुहा निग्गच्छन्ति, एवं खलु देवाणुपिया ! समणे भगवं महावीरे आइकरे तित्थकरे० इहमागते इह संपत्ते इह समोसढे इह चेव रायगिहे नगरे गुणसिलए चेइए अहापडि जाव विहरति । २४ । तते गं से मेहे कंचुइज्जपुरिस्स० एतमहं सोच्चा णिसम्म हट्ठतुट्ठे कोडुंबियपुरिसे सहावेति ता एवं वदासी खिप्पामेव भो देवाणुप्पिया ! चाउघंटं
॥ श्रीज्ञाताधर्मकथाङ्गम् ॥
पू. सागरजी म. संशोधित
२८
For Private And Personal
